20 VETTURA F’SIEGĦA MĦARRKA FUQ VELOĊITÀ EĊĊESSIVA скачать в хорошем качестве

20 VETTURA F’SIEGĦA MĦARRKA FUQ VELOĊITÀ EĊĊESSIVA

ONE.COM.MT • Hekk kif it-toroq Maltin ikkwietaw xi ftit minħabba l-appelli sabiex wieħed jibqa’ d-dar, uħud minn dawk li joħorġu speċjalment il-Ħadd filgħodu b’xi karozza jew mutur qegħdin ikunu mħarrka fuq veloċità eċċessiva. Dan hekk kif il-Pulizija tat-traffiku qed twettaq diversi operazzjonijiet f’toroq u arterji prinċipali, fejn permezz tal-ispeed gun tassigura li r-regoli tas-sewqan jiġu mħarsa. Il-kollega Simeon Nechev flimkien mal-camera person Alex Borg sebħu mal-pulizija jsegwu mill-qrib din l-operazzjoni ta’ infurzar fejn fost l-oħrajn inqabad xufier b’karozza, għaddej bi qrib il-mija u ħamsin kilometru fis-siegħa. KITBA: SIMEON NECHEV FILMAT: ALEX BORG OVERSPEEDING Waqqafnik għax fil-bypass hawn fuq kont għaddej overspeeding. Il-limit huwa 80 kph u inti kont għaddej 115kph. Għandna l-filmat tiegħek bil-kamera tagħna. Dan kien wieħed minn diversi sewwieqa li fl-għodwa tal-Ħadd kien imħarrek mill-Pulizija għaliex kien qed isuq b’veloċità eċċessiva fil-bypass ta’ San Pawl il-Baħar. Crew ta’ ONE News sebaħ mal-pulizija li wettqet wieħed minn diversi operazzjonijiet madwar il-pajjiż, fil-jum li tradizzjonalment wieħed joħroġ idur dawra bil-karozza jew bil-mutur. L-operazzjoni tmexxiet mill-Ispettur Nicholas Vella mit-taqsima tat-traffiku tal-Korp tal-Pulizija, li saħaq li dawn il-kontrolli jsiru biex l-abbuż li jsir jiġi mrażżan. SPETTUR NICHOLAS VELLA MIT-TAQSIMA TAT-TRAFFIKU “Qed nagħmlu dan l-eżercizzju speċjalment il-Ħadd filgħodu u anka f’ġranet oħra biex nikkontrollaw dan l-eċċess li qed isir. Aħna f’dan l-eċċess li qed isir nużaw speed cameras handheld biex inkunu nistgħu inkunu mobile u nduru f’diversi postijiet fit-toroq ta’ Malta.” F’każ partikolari l-Ħadd li għadda, sewwieq inqabad isuq iktar mid-doppju tal-limitù tal-veloċità ta’ tmenin kilometru fis-siegħa f’din il-bypass, meta inqabad mill-ispeed gun b’veloċità ta’ mija u ħamsa u tmenin kilometru fis-siegħa. Ġimgħa wara, kien hemm min ittanta xortih li jlaħħaq miegħu. STANDUPPER Minkejja l-appelli tal-Awtoritajiet u l-preżenza iktar b’saħħitha tal-Pulizija, xorta kien hemm min abbuża. Fost oħrajn dalgħodu l-Pulizija waqqfet vettura li fil-bypass ta’ San Pawl il-Baħar kienet qed tagħmel veloċità ta’ iktar minn 145 kilometru fis-siegħa. “Honda Accord aħmar 146” 146 KM/H “Fil-bypass kont għaddej 146 kilometres per hour inti. Għandna l-ispeed camera hemm fuq, suppost maximum tmenin. Eighty. Inti kont għaddej 146, orrajt? Ħa nħarrkuk fuq hekk.” Fil-fatt fi ftit iktar minn siegħa, il-Pulizija waqqfet madwar għoxrin karozza, il-maġġoranza minħabba li nqabeż il-limitu tal-veloċità fit-triq. Marbuta ma’ din il-kontravenzjoni hemm tnaqqis ta’ tliet punti u multa ta’ ħamsa u tletin ewro meta wieħed ikun għaddej sa ħmistax il-kilometru iżjed minn dak massimu. Min jaqbeż iktar minn ħmistax-il kilometru fuq il-limitu jiġi mmultat ħamsa u sebgħin ewro. Intant il-Pulizija tkun ukoll għajnejha miftuħin għal kontravenzjonijiet oħra. SPETTUR NICHOLAS VELLA MIT-TAQSIMA TAT-TRAFFIKU “Waqqafna vetturi li ma kellhomx number plates, ma kinux liebsin seatbelt, tinted glass u infringements oħra ta’ regolamenti ta’ traffiku.” L-Ispettur innota li dan l-abbuż fil-veloċità jidher li huwa dovut għas-sitwazzjoni kawża tal-imxija tal-Coronavirus, li qed tħalli t-toroq ftit iktar kwieti mis-soltu. Madanakollu, ħidmet il-Pulizija ma taqta’ xejn, fejn bil-multa jew taħrika li jagħtu llum taf issalva l-ħajja ta’ persuna milli tmut f’xi inċident tat-traffiku.