DEKSAMETAZON – XİLAS EDİR, YOXSA..? скачать в хорошем качестве

DEKSAMETAZON – XİLAS EDİR, YOXSA..?

Bu günlərdə koronavirusun müalicəsində effektiv dərman – deksametazonun tapılması barədə məlumatlar yayıldı. Qeyd olunurdu, bu dərman ağciyərlərin süni ventilyasiyası cihazına qoşulmuş xəstələrin ölüm ehtimalını 1/3 nisbətdə azaldıb. Bəs bu dərmanın hansısa profilaktik xüsusiyyətləri varmı? Koronavirusa yoluxmazdan öncə deksametazon qəbul edib qorunmaq olarmı? Həkim-farmakoloq, Azərbaycan Tibb Universitetinin farmakologiya kafedrasının professoru, tibb elmləri doktoru Vəli Əsmətov CBC-yə müsahibəsində bildirib ki, deksametazonu heç bir halda özbaşına qəbul etmək olmaz. Çünki bu dərman koronavirusu məhv etmir. Virusa təsir göstərən konkret dərman yoxdur. İndi Dünya Səhiyyə Təşkilatı koronavirusun müalicəsində qlükokortikoidlərin təyin olunmasını tövsiyyə edir. Lakin yalnız xəstə kritik vəziyyətdə olduqda bu hormonlardan – konkret deksametazon steroidindən istifadə olunur. Çünki bu dərmanlar da orqanizmin immun qabiliyyətini zəiflədir. Lakin maraqlısı odur ki, deksametazon məhz ağciyərdə virusu zəiflədib iltihabın sovrulmasına şərait yaradır, ona görə də koronavirusa yoluxan insanın sağ qalması ehtimalı artır. Amma adətən bu hormonlar su-duz mübadiləsini pozur. Bu da müxtəlif ödəmlərin yaranmasına səbəb olur. Bədəndə piyin yerləşməsi pozulur, ayaqlar, qollar arıqlayır, çanaqdakı piy gəlib üzə toplanır. Deksametazonu özbaşına içdikdə, bu, qadınlarda kişisayağı tüklənmə yarada bilər. Həmçinin, əksinə, kişilərdə də qadınlar kimi süd vəzisi yarana bilər. Ona görə həkim-farmakoloq Vəli Əsmətov əhaliyə belə məsələlərdə diqqətli olmağı, yalnız həkim göstərişlərinə əsasən müalicə olunmağı, özbaşına heç bir dərman – o cümlədən deksametazon alıb içməməyi məsləhət görür.