➡️Circuit De 5 Jours👣 Plateau Yagour 🌻+ Gravures Rupestres☸️ + sommet Meltsen ⛰️ скачать в хорошем качестве

➡️Circuit De 5 Jours👣 Plateau Yagour 🌻+ Gravures Rupestres☸️ + sommet Meltsen ⛰️

🔰 قمة ميلتسن 3595 . Sommet Meltsen 3595. ربما الاغلبية كيطلعو لبلاطو ياغور و كيقطعوه كامل لكن بدون الانتباه لهاذا القمة الجميلة ، هاد القمة خلوية لحد ما بحيت نتا لخصك تقاد "الصونتي " ديالك ، تطبيق mapsme .. مفيهمش الصونتي للقمة . 🔁 الطراجي / itinéraire : اربعاء تغدوين - الطلعة ديال وارزست - دوار وارزست Douar warzast - باطو ياگور2400-2200 م المرور على النقوش الصخرية ثم علي مجموعة من العزبان حتال الوصول لعزيب كيتسمى Azib n ‘Zgi gi (فالخريطة اسفله مكتوب Azib n zguigui ) للوصول للقمة 🏞️ كطلع مع الواد حتال توصل لوحد العزيب -خاوي شتاءا - كيتسمى Azib tadoukht هنا غادي تبقا ليك 3 سوايع ديال الطلعة الما موجود فقط فالواد لي دايز من العزيب (مدة الوصول للقمة من عزيب ن زگي گي 4 ساعات). القمة كتبان من المنبسط باش توصل ليها كطلع من Azib tadoukht و كتميل شوية يسارا مع الجبل (marche en Zig-zag) حتا كتوصل للكريت crête ، هادي هي الطريق الصحيحة و “الساهلة نسبيا“ و هي لي كيسعموها سكان المنطقة صيفا باش يمشيو من ياكور للزات ، الا مشيتو فالطريق الصحيح غادي تلقاو علامات ديال الحجر كيوصلوك للكريت crête ،فاش توصل للكريط غادي تكمل صعودا ونزولا حتا كتوصل القمة .. القمة كتطل على كل من بحيرة ياكور لي الاسم ديالها Iyfrad n yagour و بعض داوير الزات ومجموعة من قمم الاطلس الكبير بالنسبة لطريق الرجوع اتهبط منين جيتي حتال Azib tadoukht ثم Azib n zguigui . فAzib n zguigui كيبقا ليك الاختيارا سواء طلع ليفرض ن ياكور او ترجع منين جيتي لوزاست تم للزات او ممكن تكمل في اتجاه اوريكا تهبط من البلاصو فاتجاه اكرد A’grad - انمر Ana'mmar - تازيتونت Tazitount - سيتي فاطمة أو مراكش . 🔰 بس : كاينة واجهة اخرى للصعود لكن فيها الصعود تقني كيحتاج للكوردا شتاءا . ✅ رابط خريطة فيها المعلومات سالفة الذكر. https://drive.google.com/file/d/0B_qV... اضافة : الا مشيو للبلاطو من اربعا تغدوين يفضل تمشيو يوم الاربعاء نهار السوق كيكون ترونسبور موجود ، الترونسبور ميكطلعش للبلاطو الا اذا كنتو جماعة ممكن تشدوه كورصة . في حالة مليقتتوش الترونسبور لي يطلع للبلاطو ، خودو اي ترونسبور لي كيدي لدواويير الزات غادي يحطكم ف الطلعة ديال وارزست و غادي تبقى ليكم من ساعتين و نص حتى لثلاثة ديال الطلعة باش توصلو لوارزست ثم كتبقى غير حوالي 30 دقيقة على البلاطو . اذا طلعتو من جيهت تازيتونت الترنسبور حدو اكرد A’grad من بعد كتبقى الطريق غير ديال البغل لبلاطو. هادشي كامل بلا منساو نخليو المكان احسن مما كان ❤️ 📍 Location : High Atlas | 🇲🇦