Data Stories- 18 mars 1947 - Kryegjyshi Botëror vret Baba Fajën, tentoi të reformonte Bektashizmin скачать в хорошем качестве

Data Stories- 18 mars 1947 - Kryegjyshi Botëror vret Baba Fajën, tentoi të reformonte Bektashizmin

Mustafa Xhani, njohur si Baba Faja Martaneshi, kleriku bektashi që mbështeti komunistët gjatë Luftës Antifashiste, u vra më 18 mars të vitit 1947. Me origjinë nga Kavaja, pasi kreu studimet fetare ai u emërua Baba i Teqesë së Martaneshit, ku mori emrin fetar Baba Faja Martaneshi. Baba Faja ka qenë ndër të parët klerikë shqiptarë, të cilët jo vetëm nuk e aprovuan pushimin fashist të vendit, por e konsideruan si detyrë kundërshtimin me armë. Duhet sjellë në vëmendje se në këtë periudhë kohore bektashizmi, si një lloj versioni shqiptar i besimit mysliman, ishte i përhapur dhe gëzonte mbështetje të madhe popullore, sidomos në Shqipërinë e Mesme dhe të Jugut. Baba Faja, si kundërshtar i pushtimit italian, u lidh herët me komunistët shqiptarë, të cilët nisën të organizoheshin pas sulmit që Gjermania naziste ndërmori ndaj Bashkimit Komunist Sovjetik, në qershor të vitit 1941. Baba Faja Martaneshi u bë anëtar themelues i Frontit Nacionalçlirimtar dhe më tej, në vitin 1943, edhe anëtar i Këshillit të Përgjithshëm të këtij Fronti, ndërsa në maj të vitit 1944 u zgjodh nënkryetar i Komitetit të Përhershëm të Këshillit Kombëtar Antifashist Nacionalçlirimtar. Pas përfundimit të luftës dhe marrjes së pushtetit nga komunistët, ai shërbeu si përfaqësues i Elbasanit në Asamblenë Kushtetuese, ndërsa më pas u zgjodh Zëvendëskryetar i Kryesisë së Kuvendit Popullor. Duke qenë se kishte mbështetjen e Enver Hoxhës dhe krerëve të tjerë komunistë shqiptarë, qysh në vitin 1944, Baba Faja nisi të propagandonte disa reforma për bektashizmin, duke këmbëngulur në lejimin e martesës së klerikëve si dhe atë të heqjes së petkut fetar. Në këtë nismë, Baba Fajës ju bashkua edhe një tjetër klerik bektashi, Baba Fejzo Therepeli, ndërkohë që kundërshtari më i vendosur i reformave do të ishte Abaz Hilmi Dede, i cili në shtator të vitit 1945 ishte zgjedhur Kryegjyshi Botëror i Bektashinjve. Duke qenë se kishte mbështetjen e pushtetit, më 5 janar 1947, Baba Faja Martaneshi kërkoi mbledhjen e Këshillit të Përgjithshëm të Komunitetit Bektashian, me qellim që të merrej vendim për t’u dhënë dënim moral disa baballarëve të arrestuar dhe akuzuar si elementë reaksionarë. Porse, veç këtij vendimi, Baba Faja ishte kujdesur që këshilli të merrte vendim edhe për reformat e propozuara prej tij, që ishin heqja e petkut fetar dhe martesa e klerikëve bektashi. Mbledhja vendosi përjashtimin e baballarëve të burgosur si tradhtarë, por, me shumicë votash, rrëzoi propozimin e Baba Fajës për heqjen e petkut dhe lejimin e martesave. Kryegjyshi Abaz Hilmi Dede bindi shumicën duke argumentuar se këto vendime, që cënonin thelbin e rregullave të bektashizmit, mund të merreshin vetëm gjatë një Kongresi të Përbotshëm Bektashian. Por Baba Faja nuk dorëzohet. Ai nis të punojë veçmas me klerikë të ndryshëm dhe arrin të krijojë një fraksion të quajtur Organizata Bektashiane Përparimtare, në emër të së cilës ndërmerr udhëtime në të gjitha teqetë e vendit. E gjithë lëvizja e Baba Fajës justifikohej me reformimin e Bektashizmit si kërkesë e kohës dhe e regjimit komunist të vendit. Konflikti u trash kur Baba Faja, me ndihmën e pushtetit që kishte, urdhëroi rojet e Kryegjyshatës të pengonin Kryegjyshin që të futej në takimet që ai organizonte me krerët të tjerë bektashi... #mcntv #mcn #datastories #ferdinanddervishi #histori #ngjarjethistorike #MustafaXhani #BabaFajaMartaneshi #HistoriShqiptare #Bektashizmi #LuftaAntifashiste #Komunistet #EnverHoxha #Kryegjyshata #AbazHilmiDede #FejaDhePolitika #NgjarjeHistorike #Shqiperia #MCNTV #DataStories