સૂર્ય સ્તુતિ-નમું આજ આદિત્યને હાથ જોડી скачать в хорошем качестве

સૂર્ય સ્તુતિ-નમું આજ આદિત્યને હાથ જોડી

નમું આજ આદિત્યને હાથ જોડી, પ્રભુ કર્મનાં બંધનો નાખ તોડી; રવિ ભાવથી તુજને શિશ નામું, કૃપા દ્રષ્ટિથી જો મુજ રંક સામું. કરું વિનંતી આજ હું શુદ્ધ થાવા, ઊઠ્યું મનડું તાહરા ગુણ ગાવા; વંદુ નિર્મળી બુદ્ધિ પ્રેરિત વાણી, તમે શુદ્ધ દ્યો અક્ષરો ભક્ત જાણી. અહો કેમ હું વર્ણવું વાત તારી, રહ્યો માનવી અલ્પ છે બુદ્ધિ મારી; બધા દેવને ક્રોડ તેત્રીસ માંહે, રવિ તુજથી ઉપરી કોણ થાએ? મણિ માત્રના તેજ તે તુંથી રીઝે, નથી ઉપમા જગતમાં તારી બીજે; સહુ તીર્થમાં શ્રેષ્ઠ છે તેજ તારું, નિહાળી થયું તુષ્ટ આ મન મારું. ધરાને નિભાવે તું આકાશવાસી, નવે ખંદમાં તું રહ્યો પ્રકાશી; રવિ ઊગતાં પદ્મનાં પુષ્પ ફૂટે, ધરે ધ્યાન સૌ કર્મના બંધ છૂટે. પ્રભાતે સહુ કામધંધે ગૂંથાયે, મુનિ ગુરુ આરાધવા બેસી જાયે; ધરે ધ્યાન તારું જપે મંત્ર માળા, વદે સૂર્યના શ્લોક સર્વે રસાળા. ટળે તાપ સંતાપ સૌ પાપ કાપે, પ્રભુ ભક્તને ઝટ તું મુક્તિ આપે; ધરા સૂર્યનાં કિરણથી શુદ્ધ થાયે, વળી વૃક્ષને પ્રાણી સૌને જિવાડે. વીતે રજની ને ઉષા કાળ થાયે, કરે પંખી કલ્લોલ ને ગીત ગાયે; વળી પંથી ને તસ્કરોની ભ્રાંતિ ભાગે, કરે કામ ને જગતના જીવ જાગે. સહુ દેવમાં દેવ આદિત્ય સાચો, નહિ એ મહારાજ સંવેદ વાંચ્યો; નમે જગત આખું વળી વિશ્વ વેલી, નમે પંડિતો મનનાં ગર્વ મેલી. નમે દેવતા દાનવો રંક રાય, ગુણો વિષ્ણુ બ્રહ્મા તથા રુદ્ર ગાય; ફૂલો ચંદને બોળી તુને વધાવે, તેને યમના દૂત પાસે ન આવે. ટળે દેહનાં દુઃખ દારિદ્ર્ય જાયે, રવિ પૂજતા એટલું પુણ્ય થાયે; ધરા મેરુ આકાશને માન સિંધુ, સહુમાં રહ્યો તું એક દીનબંધુ. ઘણું શું કહું ગુપ્ત છે વાત મારી, રવિ પાઠ પુરાણ છે ગ્રંથ ભારી; કહું ટૂંકમાં તે ઘણું માની લેજો, ભવસાગરે ડૂબતાં થોભ દેજો. રવિ તારણ કારણ વેદવાણી, સદા શર્ણ રાખો મને દીન જાણી; મને તારા પુત્રની બીક ઝાઝી, હું તો શર્ણ આવ્યો થઈ મન રાજી. કરું યાચના ભાવથી આજ તારી, સહુ સંકટો નાથ નાખો નિવારી; રવિ ધર્મને કર્મનો તું સાખી, સહાય કરો મુજને તું જ પાખી. સદા દિન ઊગે વળી રાત આવે, બધા ફેરફારો પ્રભુજી નિભાવે; પિતા સૂર્ય તારી સ્તુતિ સુખકારી, નિભાવો તમે જીતવાં જગત માંહી. વળી જિંદગીની પડે રાત જ્યારે, પડું ઘોર નિદ્રામહીં હેઠ ત્યારે; રવિ તારા કિરણની દોરી ઝાલી, હું તો સૂક્ષ્મ દેહે ત્યાં આવું ચાલી. સમાવી તું લેજે મને તારા દેહે, નહિ જન્મ ને મૃત્યુનાં કષ્ટ રહે; રવિ પાઠ સાચો ભણે ભાવ રાખી, થશે ન્યાલ તે જગતનાં સુખ સાચી. કદી શીખે ક્ષત્રી રણક્ષેત્રે જીતે, નહિ ત્રાસ પામે કદી યુદ્ધ વિશે; ચતુર્વેદનું પુણ્યને વિપ્ર પામે, વધે બ્રહ્મનું તેજ ને દુઃખ વામે. શીખે શૂદ્ર જો ઊઠીને નિત્ય ગાયે, તેના જન્મનાં દુઃખ-રોગ-દારિદ્ર જાયે; કૃપા માગવાં આટલા છંદ ગાયા, શીખે ગાય ને સાંભળે નિત્ય ડાહ્યા. ભણે દાસ 'વસંત' એ દેવ એવો, કોટિ કર્મ છૂટે જો આદિત્ય સેવો; મને જોતાં કૈલાસમાં થોભે દેજો, મુજ વાંક અનેકને સાંખી લેજે. #Gujarati_Kirtan #Gujarati_Traditional_Kirtan #Gujarati_Bhakti_Geet #Satsang_Kirtan #Bhajan_Kirtan #સત્સંગ #ગુજરાતી_કીર્તન #ભક્તિ_સંગીત #Lilivav #લીલીવાવ #સૂર્ય_સ્તુતિ