تعلم أي لغة بثلاثة أشهر | скачать в хорошем качестве

تعلم أي لغة بثلاثة أشهر |

معقول بتلات اشهر بس تقدر تتعلم لغة جديدة هيك بيوعدك كتاب اليوم مع كتاب بطلاقة بتلات أشهر للكاتب بيني ليويس خلينا نبدأ بحلقة جديدة من سلسلة كتاب بخمس دقايق مع ياسر قبل خمس سنين تقريبا وصلت على ألمانيا و كان العائق الوحيد و الصخرة الوحيدة الموجودة ادامي هيي اللغة الألمانية ما فيني كمل دراسة بالجامعة إلا لوصل لمستوى تسي اينز و تقريبا هاد من أعلى المستويات يلي فينك توصلها هي الشهادات يلي أخدتها من مدارس اللغة و مع هيك ما كنت اقدر احكي اللغة كنت لهداك الوقت بحكي إنكليزي مع الألمان الكاتب بقلنا وقت تسجل بمدرسة لغة فأنت متل وقت تسجل بالنادي عملت هيك لحتى ما يأنبك ضميرك و ممكن تخلص المدرسة و ما تتعلم أي شي طيب كيف فينك تساعدنا يا حضرة الكاتب أول خطوة تغلب على أساطير اللغات. منلاقي كتير عالم بتقلنا انا و الله بحياتي ما درست طول عمري ما بحب المدرسة لهيك مستحيل اتعلم اللغة و منلاقي عالم بقلولنا أنا بحياتي ما تعلمت أي لغة جيناتي صعب تتعلم لغات و التاني بقلك أنا كبرت صار عمري فوق ال 14 سنة صعب صار اني اتعلم لغة جديدة و غيرون و غيرون و غيرون من الأساطير و أنتو بتعرفوهون. و كل واحد منا بحياتو بيعرف أشخاص بآمنو فعلا بهي الأساطير. الكاتب بقلنا هي الأساطير مالها حقيقية هي موجودة بس براسنا بتخلينا نوقف تعلم اللغة و لحنا لسه ما بدأنا الكاتب بقلنا في دول بيحكو سكانها اكتر من لغة متل مثلا سويسرا نادر لتلاقي سويسري بيعرف لغة وحدة الكاتب بيسالنا هل كل السويسريين عندون بجيناتون تعلم اللغات اكيد لا طيب خلصنا من الأساطير و يلي هيي الخطوة الأولى هلا كخطوة تانية صار لازم نتغلب على المفاهيم المغلوطة بتعلمنا للغات بدي اسألكون سؤال كم كلمة بتتكون اللغة العربية خلينا نسأل غوغل اللغة العربية بتتكون من 12 فاصلة 3 مليون كلمة هل انت كعربي يلي عم تحضر هاد الفيديو اليوم بتعرف كل هدول الكلمات لاا ابدا يعني تصورو أنا درست جامعة و تخرجت و عم ادرس ماستر بالألماني و لهلا ما بعرف شو معنى اقلي بيضة ما بعرف شو معنى قطع خيار السبب لأنو ما بتهمني هي الكلمات و ما بستخدمها خلال يومي وقت بدك تتعلم لغة ركز على موضوع معين أنا بدرس ادارة أعمال من المطلوب مني انو اقدر احكي عن السياسة عن الاقتصاد عن الشركات و بركز على هي المجالات بالاضافة للغة بشكل عام يلي بحكيها بالشارع من المفاهيم المغلوطة كمان انو منقول ندرس لغة الصح نتعلم لغة. ندرس معناها انك تقعد عالطاولة و تدرس تحل تمارين تطرح تجمع. اللغة ما بتدرسها انت بتعيشها بتتعلمها انت ما بتدرس كيف بتسوق بسكليتة انت بتتعلم سواقة البسكليتة كمان من المفاهيم المغلوطة القواعد. الكاتب بقلك ابدا ما ضروري بالبداية تتعلم قواعد لانو انت حتى لو تعلمت قواعد البناء ما فينك تبني بناية و انت ما مجرب و ما شايف الشي بعينك و هيك اللغة ما فينك تحكي اللغة و انت متعلم قواعد أساس اللغة الكلمات لهيك بقلك الكاتب ركز بالبداية عالكلمات لحتى توصل لمرحلة تقدر تحكي فيها و القواعد بتجي آخر شي و هاد هوي الغلط يلي بيرتكبوه المدارس العربية يلي بتدرس لغات ما بتعلم لغات تالت خطوة لنتعلم لغة بفترة قصيرة بيعطيك الكاتب بعض التقنيات يلي فينك تستخدمون أول تقنية اربط الكلمات بصور بمخك يعني مثلا كلمة بابير بالألماني معناها ورقة بالعربي. طيب كلمة بابير منقسمها لكلمتين باب بيرة. تخيل معي يا صديقي العزيز انو ابوك فتح الباب و لقاك عم تشرب بيرة و اكلت قتلة حشك و لبك هون مستحيل تنسى معناها. تاني تقنية وقت لحنا بدنا نحفظ كلمات نكتب كل كلمة على كرت بدال ما نكتبون على دفتر. فصار في معنا عدد من الكروت. الكروت يلي مو حافظينون منيح دوما منحطون اول شي. تاني يوم اول ما نفيق فورا منمسك الكروت و منراجع الكلمات. و هيك انت بتضمن انو ما تنسى الكلمات الجديدة يلي حفظتها. بعرف أنو طولت بالفيديو و يمكن أكتر من خمس دقايق بس هالمرة بدكون تتحملوني قربنا نخلص الخطوة الرابعة و الآخيرة بقلنا الكاتب لا تاكلو هم و تزعلو و تتوترو وقت تغلطو انتو عم تحكو باللغة الجديدة اذا ما غلطتو باليوم 100 مرة ما رح تتعلمو اغلطو انبسطو بس تغلطو و كل ما زادو الأخطاء اعرفو انكون عم تتعلمو و اوعكون تعدو بالبيت و تقولو بدنا نتعلم اللغة انتو بهالحالة عم تدرسو اللغة مو عم تتعلموها ______________________ Follow me on: TikTok: https://www.tiktok.com/@yasser_warak?... Instagram:   / yasser_warak   Facebook:   / yasser.warak   ______________________ المعدات التي أستخدمها : Camers: Canon 200d DJI Osmo Pocket Lenses: Sigma 18-35 f 1.8 Canon 18-58 f 4.0 Canon 24 STM f 2.8 Canon 50 STM f 1.8 Drone: DJI Mavic Air Mics : Rode VideoMicro Compact Zoom H1n Lighting Esddi Soft box Roleno Led Video Light Gimbal: Moza Air 2