Min Dr. BIZIMANA yatamaje umuhungu wa Habyarimana wagerageje kweza Se скачать в хорошем качестве

Min Dr. BIZIMANA yatamaje umuhungu wa Habyarimana wagerageje kweza Se

Saa Yine n’iminota 10 z’ijoro ryo ku itariki 5 z’uku kwezi kwa 11 mu 2025, hari kwa 3, Ikinyamakuru “Igihe.com” cyakoresheje icyo gihe maze umwanditsi yegura ikaramu arandika ati: “Minisitiri Bizimana yatamaje umuhungu wa Habyarimana wagerageje kweza Se” Ntaratangira kukubwira ijambo ku rindi y’ibikubiye muri iyi nkuru, ndakumenysha ko nsoza iyi nkuru mpita nkubwira amateka y’Abana 8 ba Perezida Habyarimana Yuvenali wawundi wiyise Ikinani cyananiye abagome n’abagambanyi akaba mwene Jean-Baptiste Ntibazirikana na Nyina Nyirazuba Suzana. Inkuru y’amateka y’abana ba Habyarimana asobetsemo utuntu twose wibaza ku burere Perezida Habyarimana mugiye kumva muri iyi nkuru ya IGIHE.COM n’Umugore we AGATA KANZIGA baba barahaye urubyaro rwabo. Igihe batangiye bagira bati: Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean-Damascène, yatamaje umwe mu bahungu ba Habyarimana Juvénal witwa Habyarimana Léon, wagerageje kweza ibikorwa bya se. Léon avuga ko kuva mu 1973 kugeza tariki ya 6 Mata 1994 ubwo se yayoboraga u Rwanda, rwari rufite amahoro, rwubashywe n’abaturanyi, kandi ko imibereho myiza y’abaturage, uburezi, ubumwe n’ubufatanye n’akarere byari byarashyizwe imbere. Ku muhungu wa Habyarimana, Leta y’u Rwanda iriho ubu “iri gushaka gusiba” amateka meza ubutegetsi bwa se bwasize bwanditse. Minisitiri Bizimana yasubije Léon ko ibyo yatangaje ari ibinyoma, kuko ubutegetsi bwa Habyarimana bwari ubw’igitugu, kandi ko bwakandamizaga abaturage, bigera ku rwego rwo gutegura no gushyira mu bikorwa Jenoside yakorewe Abatutsi mu 1994. Igisubizo Minisitiri Bizimana yahaye Léon gishingira ku ngero z’ibyakozwe n’ubutegetsi bwa Habyarimana kuva mbere gato y’uko ajya ku butegetsi, ubwo yari Minisitiri w’Ingabo. Iyi nkuru yahise ikomeza mu byiciro 4 bihura n’ingingo 4 Minisitiri Bizimana yatangaje atamaza uyu muhungu wa Perezida Habyarimana witwa “Habyarimana Léon” Icya mbere: Nta mahoro yari mu Rwanda Minisitiri Bizimana yatangaje ko kuva muri mu kwezi kwa 2 kugeza mu kwa 3 mu 1973, Generali Majoro Habyarimana wari Minisitiri w’Ingabo na Polisi, yifatanyije na Perezida Kayibanda Grégoire mu kwirukana Abatutsi mu mashuri yisumbuye na kaminuza, babambura imirimo yose bari bafite mu nzego za Leta n’iz’abikorera. Ati “Ikinyamakuru Kinyamateka No. 23 yo ku wa 18 z’ukwezi kwa 9 mu mwaka w’ 1973 cyahishuye ko Abatutsi bari hagati ya 1600 na 2000 bajugunywe binyuze muri iki gikorwa cya Leta cyayobowe na Kayibanda na Habyarimana cyari kizwi nka ‘Déguerpissement’.” ( Bisomwa ngo DEGERIPISEMA = SOUNDIN LIKE GORE ORE GORE) Yibukije Léon ko tariki ya 5 ukwezi kwa 7 mu 1973 ubwo Habyarimana yakuraga Kayibanda ku butegetsi, yataye muri yombi abantu barenga 70 bari muri ubwo butegetsi, abafungira bunyamaswa muri Gereza ya Gisenyi na Ruhengeri, aho bari bacunzwe na muramu we, Protais Zigiranyirazo, bicwa mu ibanga batanaburanishijwe. Ati “Kugeza uyu munsi, hashize imyaka irenga 50 ibi bibaye, imiryango y’aba bantu nta kanunu ifite ku bo yakundaga. Ntibashobora kujya mu kiriyo. Urubanza rwa Major Lizinde Théoneste rwabaye kuva tariki ya 21 kugeza ku ya 26 z’ukwa 6 mu 1985 rwahishuye ko izi mfungwa za politiki zakorewe iyicarubozo mbere yo kwicwa. Bicishijwe inzara n’inyota, baba mu twumba duto tutagira urumuri. Minisitiri Bizimana yasobanuye ko abakoreye izi mfungwa iyicarubozo ari abayoboye ya Gereza ya Ruhengeri, Sembagare Théodomir na Pierre-Desire Cyarahani na Joachim Ntibandeba wayoboye Gereza ya Gisenyi, kandi ko bari bahawe amabwiriza na Habyarimana.