മാരാമൺ കൺവൻഷൻ പരിസ്ഥിതി സൗഹൃദ സന്ദേശ ജലയാനം. 31.01.2026 скачать в хорошем качестве

മാരാമൺ കൺവൻഷൻ പരിസ്ഥിതി സൗഹൃദ സന്ദേശ ജലയാനം. 31.01.2026

2026ലെ മാരാമൺ കൺവൻഷനോടനുബന്ധിച്ച് നടന്ന പരിസ്ഥിതി സംരക്ഷണ ജലയാത്ര. "പ്രകൃതിക്ക് കാവലൊരുക്കി ജലയാത്ര, അവിസ്മരണീയ അനുഭവത്തിന്നു സാക്ഷിയായി പമ്പാ തീരം" മാരാമൺ. പ്രകൃതിക്കു കാവലാവുക എന്ന സന്ദേശവുമായി 131_മത് മാരാമൺ കൺവെൻഷന് മുന്നോടിയായി പമ്പാ നദിയിലൂടെ നടത്തിയ പരിസ്ഥിതി സൗഹൃദ ജലയാത്ര അവിസ്മരണീയ അനുഭവമായി. അയിരൂർ ചെറുകോൽപ്പുഴയിൽ നിന്നും കല്ലിശേരി കടവിൽ മാളികയിൽ നിന്നും ആരംഭിച്ച ജലയാത്രയിൽ നിരവധി വള്ളങ്ങളിലായി വിവിധ പള്ളികളിൽ നിന്നായി നൂറുകണക്കിന് ആളുകൾ പങ്കെടുത്തു. പാരമ്പര്യ വേഷത്തിൽ ചട്ടയും മുണ്ടും ധരിച്ച സ്ത്രീകളും പഴയ കാല കൺവെൻഷൻ യോഗങ്ങളെയും, യാത്രകളെയും അനുസ്മരിപ്പിച്ചു ചൂട്ടുകറ്റയും, റാന്തൽ വിളക്കുകളുമായി പുരുഷൻമാരും യാത്രയുടെ ഭാഗമായി. അയിരൂർ ചെറുകോൽപ്പുഴയിൽ അടൂർ ഭദ്രാസന അദ്യക്ഷൻ മാത്യൂസ് മാർ serafim എപ്പിസ്കോപ്പയും കല്ലി ശേരി കടവിൽ മാർത്തോമ്മാ സഭാ സെക്രട്ടറി റവ. എബി. ടി മാമ്മനും യാത്ര ഫ്ലാഗ് ഓഫ് ചെയ്തു. ചെറുകോൽപ്പുഴയിൽ അയിരൂർ പഞ്ചായത്ത് പ്രസിഡന്റ്‌ സുരേഷ് കുഴിവേലിൽ, വൈസ് പ്രസിഡന്റ്‌ പ്രീതാ ബി നായർ എന്നിവർ പങ്കെടുത്തു. ഇരു ജലയാത്രകൾക്കും പുല്ലേലിക്കടവ്, മേലുകര, പരപ്പുഴ തുടങ്ങിയ നദീ തീരങ്ങളിൽ തീരനിവാസികൾ പരമ്പരാഗത രീതിയിൽ ഉജ്ജ്വല വരവെല്പ് നൽകി. മാരാമൺ മണൽപ്പുറത്തു സംഗമിച്ച ജലയാത്രികരെയും ക്യാപ്റ്റൻമാരായ റവ. ജോജി ജേക്കബ്, സാം ജേക്കബ് എന്നിവരെയും മാർത്തോമ്മാ സുവിശേഷ പ്രസംഗ സംഘം പ്രസിഡന്റ്‌ ഡോ. ഐസക് മാർ ഫിലക്സിനോസ് എപ്പിസ്കോപ്പയുടെയും സംഘം ഭാരവാഹികളുടെയും ആന്റോ ആന്റണി എം. പി യുടെയും നേതൃത്വത്തിൽ സ്വീകരിച്ചു. തുടർന്നു ചേർന്ന പൊതു സമ്മേളനം ആന്റോ ആന്റണി എം പി ഉദ്ഘാടനം ചെയ്തു. ആരോഗ്യമുള്ള സമൂഹവും പ്രകൃതിയും ഭൂമിയുടെ നിലനിൽപ്പിന് ആവശ്യമാണെന്ന് അദ്ദേഹം പറഞ്ഞു. ആഗോള താപനം ഗുരുതരമായ പ്രതിസന്ധി സൃഷ്ടിക്കുന്ന കാലത്തു പ്രകൃതിയുടെ സംരക്ഷണത്തിനായി യോജിച്ച പ്രവർത്തനം ആവശ്യമാണെന്നും അദ്ദേഹം കൂട്ടിച്ചേർത്തു. സുവിശേഷ പ്രസംഗ സംഘം പ്രസിഡന്റ്‌ ഡോ. ഐസക് മാർ ഫിലക്സിനോസ് എപ്പിസ്കോപ്പാ അദ്ധ്യ ക്ഷനായിരുന്നു. ദൈവം സൃഷ്ടിച്ച ലോകത്തെ നല്ല വാസസ്ഥലമായി നിലനിർത്തണമെന്ന് അദ്ദേഹം പറഞ്ഞു. സുവിശേഷ പ്രസംഗ സംഘം ജനറൽ സെക്രട്ടറി റവ.എബി. കെ.ജോഷ്വാ ആമുഖ പ്രസംഗം നിർവഹിച്ചു. സംസ്ഥാന മലിനീകരണ നിയന്ത്രണ ബോർഡ്‌ അദ് ധ്യക്ഷ എസ്. ശ്രീകല പരിസ്ഥിതി സൗഹൃദ സന്ദേശം നൽകി. സംഘം ഭാര വാഹികളായ ലേഖക സെക്രട്ടറി പ്രൊഫ. എബ്രഹാം. പി. മാത്യു, സഞ്ചാര സെക്രട്ടറി റവ. ജിജി വർഗീസ്, ട്രഷറർ ഡോ എബി തോമസ് വാരിക്കാട്, പരിസ്ഥിതി കമ്മിറ്റി കൺവീനർമാരായ ഗീതമ്മ മാത്യു, ഡോ. എ. എസ്. ഷാജി, പ്രോഗ്രാം കോർഡിനേറ്റർമാരായ റവ. ജോജി ജേക്കബ്, സാം ചെമ്പകത്തിൽ,സാം ജേക്കബ്, ജില്ലാ പഞ്ചായത്തു വൈസ് പ്രസിഡന്റ്‌ അനീഷ് വരിക്കണ്ണാമല, ബ്ലോക്ക് പഞ്ചായത്തു പ്രസിഡന്റുമാരായ ടി. കെ. രാമചന്ദ്രൻ നായർ, ഗീത സജീവ്, ഗ്രാമ പഞ്ചായത്ത് പ്രസിഡന്റുമാരായ ജോമോൻ പുത്തൻപറമ്പിൽ, എൽസി ക്രിസ്റ്റഫർ, തുടങ്ങിയവർ പ്രസംഗിച്ചു. സമ്മേളനത്തിൽ പങ്കെടുത്ത എല്ലാവരും പ്രകൃതി സംരക്ഷണ പ്രതിജ്ഞ എടുത്തു. പ്രോഗ്രാം കോ. ഓർഡിനേറ്റർ റവ. ജോജി ജേക്കബ് പ്രതിജ്ഞ ചൊല്ലിക്കൊടുത്തു. കോഴഞ്ചേരി സെന്റ് തോമസ് കോളേജ് വിവിധ കേന്ദ്രങ്ങളിൽ പരിസ്ഥിതി സൗഹൃദ സ്കിറ്റും കോഴഞ്ചേരി സെന്റ് മേരിസ് സ്കൂൾ വിദ്യാർത്ഥികൾ മാർഗം കളിയും അവതരിപ്പിച്ചു. സുവിശേഷ പ്രസംഗസംഘം മാനേജിങ് കമ്മിറ്റി അംഗങ്ങളായ റവ. ജോജി തോമസ്, റവ. റൊണാൾഡ് രാജു, .പി. പി. അച്ചൻ കുഞ്ഞ്, റ്റിജു എം. ജോർജ്, മാത്യു ജോൺ, എം. സി. ജോർജ് കുട്ടി, മനോജ്‌ മലയിൽ, എസ്. ബിനോജ്, ജോൺ സൺ എബ്രഹാം, ജെ. ഐ.ശെൽവരാജ് തുടങ്ങിയവർ നേതൃത്വം നൽകി. 31.01.2026 #maramonconvention #kozhencherry #maramonconventionsong