2025两步路第5届阳台山画地图 EP01 [2025年4月4日] скачать в хорошем качестве

2025两步路第5届阳台山画地图 EP01 [2025年4月4日]

朋友約我清明節上深圳行山，參加「兩步路」活動畫地圖活動，聽落幾好玩咁，仲可以乘機上去食大餐，梗係應喇！ 呢個活動係行「陽台山」，海拔高度587米，是深圳西部的最高峰，當中"陽台叠翠"更是著名的深圳八景之一。路線總長35公里，累計爬升1330米。畫出黎既地圖形狀係一個完整既「中國地圖」，即係一隻公雞！ 我地由陽台東站行去陽台山森林公園，再行去起點大約2公里。起點亦係終點，就係雞冠冠頂位置，逆時針走，上到「大陽台山頂」約4公里，99%係石屎路樓梯。之後係混合路段約10公里，落到去「應人石社區」。 跟著既路段可以話最好玩，會經過人地個果園，又話有狗，又見到個養蜂園就咁係路邊，上山落山都係浮沙碎石又斜，需要技巧同體能。仲要有一段路要行兩次，因為會落一落「西麗湖」再上返山畫隻後腳，個段路係人地個果園，最原始既碎石泥土路。 落山之後就有一段馬路行去「王京坑」，係「王京坑」兜一圈大約3公里畫隻前腳。呢段路又同之前既路好唔同，好有特色，斜同浮沙碎石就一定有架喇，又係有個位估都估唔到，要爬出去再落斜，係夾硬黎，跟本好似無路咁！仲有段路落哂繩，條繩好粗呀好重本呀！ 淨返最後10公里，咁攪法條路變左38公里！最後呢10公里，前6.5公里都係林路，會經過「小陽台山頂」。因為起步時已經超過18:00，到左「小陽台山頂」天都黑哂喇，乜風景都睇唔到。係中途仲遇到兩個內地女仔，佢地比9個同行既朋友嫌佢地慢，掉低佢地自己慢慢行，真係咁都得！佢地得兩個女仔話驚，多D人氣佢就唔驚。最後3.5公里係馬路，無乜爬升，終於可以輕鬆行下，不知不覺咁就一齊到左終點喇！ -------------------------------------------------------------------------------- 🎬章節: 00:00 陽台山東站 00:22 陽台山森林公園 02:30 華風路起點及終點 25:42 [陽台山-大陽台]山頂587米 28:54 飛龍乘雲台 38:31 風門坳 42:42 返回分岔路 54:49 地盤位置搵路 58:11 應人石社-應人石綫 --------------------------------------------------------------------------------