ZƏFƏRAN - ABŞERONUN “QIZILI” скачать в хорошем качестве

ZƏFƏRAN - ABŞERONUN “QIZILI”

Azərbaycanda yetişdirilən zəfəran ən bahalı vegeterian ədviyyatlar sırasında dəyərinə görə 2-ci yerdədir. Dünyaca məşhur Luxurylaunches şirkəti bu qənaətə gəlib. Zəfəranın bir kq-nın ölkə daxili satış qiyməti 25 min manat, ixrac qiyməti isə 15 min avro civarındadır. Azərbaycan zəfəranı bütün digər ölkələrdə yetişdirilən zəfəran növlərindən həm də laborator analizlərinin nəticələrinə görə də üstündür. Belə ki, Azərbaycan zəfəranı tərkibindəki faydalı maddələrinə görə rəqiblərini geridə qoyur. Ekspertlər hesab edirlər ki, yalnız zəfəran satışından ölkəmiz 142,6 milyon dollar, yəni 240 milyon manat əlavə gəlir əldə edə bilər. Bəs, niyə biz zəfəranın dəyərini bilmirik? Zəfəranın əkilməsi, becərilməsi, emalı kimi bütün prosedurlar əl əməyi olduğundan bu çiçəyə kaprizli də demək olar. İl ərzində yalnız 20-25 gün yığımı aparılsa da, il boyu əmək sərf edilməlidir. Üstəlik, zəfəran kifayət qədər çox sərmayə və səbr tələb edir. Bu bitki 3 ildən sonra məhsul verməyə başlayır. Odur ki, ilk iki ili fermer səbr etməli olur. Azərbaycan zəfəranı İtaliya, Rusiya, Səudiyyə Ərəbistanı kimi ölkələrə satılır. Və təkcə saf zəfəran şəklində yox. Ölkəmizdə zəfərandan mürəbbə, limonad, kosmetik vasitələr hazırlanır və ixrac olunur.