Звезда фильма «Зита и Гита» была кремирована и отправлена ​​в последний путь скачать в хорошем качестве

Звезда фильма «Зита и Гита» была кремирована и отправлена ​​в последний путь

“Zita və Gita”nın ulduzu, bollivudun ən böyük alkoqoliki, iki qadınla evli olan əfsanəvi Dharmendra kimdir? Bollivudun ən böyük superulduzlarından biri olan Dharmendra 24 noyabrda 89 yaşında dünyasını dəyişib. Ölkə.Az sevilən hind aktyoru haqqında maraqlı faktları təqdim edir: Dharmendr, Hindistan kinosunun ən nüfuzlu şəxsiyyətlərindən biridir. O, karyerasının ilk illərində dünyanın ən yaraşıqlı kişilərindən biri hesab olunurdu. Populyarlığı dövründə seks simvolu hesab edilən Dharmendranın on milyonlarla qadin qadın fanatları vardi. Tam adı Dharmendra Keval Krişan Deol olan aktyor 1935-ci ildə Hindistanın Pəncab əyalətinin Nəsrəli kəndində anadan olub. Kino sənayesinə addım atmaq istəyən Dharmendra gənc yaşlarında Mumbaya getsə də, əliboş qayıdır və qazma şirkətində işə düzəlir. Daha sonra “Filmfare” jurnalında gördüyü “yeni istedadlar” müsabiqəsi üçün 1958-ci ildə yenidən Mumbaya yollanır və ikinci yeri tutur. O, 1960-cı ildə cəmi 51 rupi qarşılığında romantik dram filminə ("Dil Bhi Tera Hum Bhi Tere") çəkilsə də, uğursuz olur. 1970–1977-ci illər onun “superulduzluq” dövrüdür. O, bu illərdə 4 böyük uğur qazanıb və aktrisa Hema Malini ilə hit cütlük yaradıb. Həmin illərdə onun çəkildiyi “Həyat ölüm" (Jeevan Mrityu"), “Sən gözəlsən, mən cavanam" ("Tum Haseen Main Jawan") və “Ədəb-ərkan” ("Sharafat") filmləri yaxşı gəlir gətirir. 1975-ci ildə Dharmendra həmkarı Amitabh Baççanla birlikdə iki filmdə rol alıb. Komediya janrında olan “Çupke-çupke” və döyüş filmi “Şolay”hər iksi böyük uğur qazanır. Həmin dövrdə sensasiya yaradan “Şolay” yəni “Qığılcım” filmi Hindistan kinoteatrlarında 5 ildən çox fasiləsiz nümayiş etdirilib. Bu film 2001-ci ilə qədər kinoteatrlarda ən uzun müddət nümayiş olunan hind filmi statusunu qoruyub. 1987-ci ildə - cəmi bir il ərzində Dharmendranın 7 filmi çıxır və hamısı böyük uğur qazanır. Onu ulduz kimi tanıdan əsas uğuru “Çiçəklər və daşlar” ("Phool Aur Patthar") filmi olub. Aktyorun sərt, əzələli bədən quruluşu və döyüş fimlərində çəkilməsi ona “Bollivudun əsl kişisi" titulunu qazandırıb. Sonrakı illərdə onun çəkildiyi “Əbədi sevgi hekayəsi” də böyük uğur qazanıb. Bu film (Dharam Veer) Böyük Britaniyada rekord məbləğdə satışa çıxarılıb və Sovet ittifaqında film üçün 32 milyon bilet satılıb. O, çəkildiyi “əli baba və 40 quldur”, “Ram balram”, “Zita və Gita” da və s. filmlərlə kişilik və qəhrəmanlıq simvoluna çevrilib. “Dharam” ümumilikdə 300-dən çox filmdə fərqli obrazları canlandırıb. 1990-cı illərin sonlarından etibarən Dharmendra filmlərdə ikinci dərəcəli personajları canlandırmağa başlayıb. Dharmendra 1968-ci ildən 1987-ci ilə qədər “Box Office India”nın "Ən Yaxşı Aktyorlar" siyahısında 18 dəfə yer alıb. Aktyor 1997-ci ildə genişmiqyaslı işinə görə nüfuzlu “Filmfare Lifetime” Nailiyyət Mükafatına layiq görülüb. 1983-cü ildə Dharmendra, böyük qızının adını daşıyan “Vijayta Films” şirkət yaradıb və oğulları Sanni və Bobbini tanıtmaq üçün külli miqdarda pul xərcləyərək onları filmə çəkib. Aktyor daha sonra öz övladları ilə birgə bir neçə filmdə rol alıb.( Dillagi (1999), Apne (2007) və Yamla Pagla Deewana) O, məşhurluğundan faydalanaraq delhi və başqa şəhərlərdə restoranlar şəbəkəsi açıb. Dharmendra 2004-2009-cu illərdə deputat kimi fəaliyyət göstərib. O, parlament iclaslarına nadir hallarda qatılıb, bu dövrdə daha çox film çəkməyə və ya fermasında işləməyə üstünlük verdiyinə görə çoxsaylı tənqidlərə məruz qalıb. Milyonların sevimlisi olan aktyorun ən pis vərdişi içki düşkünü olması idi. Bir gündə 12 şüşüəyə qədər spirtli içki qəbul etdiyinə görə onu "Bollivudun ən böyük alkoqoliki” adlandırırdılar. Lakin Dharmendra 2010-cu ildə sağlamlıq qorxusundan içkini atır. O, 2011-ci ildə "Got Talent" realiti şousunun hindistan versiyasında münsiflik edib. Hindistan kinosuna verdiyi böyük töhfəyə görə Dharmendra 2012-ci ildə ölkəsinin üçüncü ən yüksək mülki mükafatı olan “Padma Bhuşan”a layiq görülüb.