Маңғыстау облысында инженерлік инфрақұрылымды жаңғырту қарқыны күшейді скачать в хорошем качестве

Маңғыстау облысында инженерлік инфрақұрылымды жаңғырту қарқыны күшейді

Маңғыстау облысында инженерлік инфрақұрылымды жаңғырту қарқыны күшейді. Өңір үшін ең өзекті мәселелердің бірі, ауыз су тапшылығы толық шешімін тапты. Сонымен қатар Ақтауда жылу желілерін жаңарту жұмыстары мерзімінен бұрын аяқталған. Облыс әкімі Нұрдәулет Қилыбай аймақтағы маңызды салаларды дамыту жұмыстары жоспар бойынша жүзеге асып жатқанын жеткізді. Ең бастысы, облыс экономикасын арттырып, инвестор тартуға күш салынуда. Нұрдәулет Қилыбай бірнеше жыл бойы тұрғындарды алаңдатқан ауыз су мәселесін шешу үшін бірқатар нақты жобалар іске асырылды деп отыр. Мәселен, Ақтаудағы «Каспий» су тұшыту зауытының екінші кезеңі іске қосылып, өндірістік қуаты екі есеге артқанын айтады. Соның арқасында халық тіршілік нәрінен тарықпайтын болады. НҰРДӘУЛЕТ ҚИЛЫБАЙ, Маңғыстау облысының әкімі: Кендірліде ҚазМұнайгаздың қолдауымен 50 мың текше метр тәулігіне зауыттың құрылысы аяқталды. Бұл дегеніміз Жаңаөзен қаласына және қасында тұрған төңіректегі ауылдарды толықтай сумен қамтамасыз ететін болады. Бұрын жаздың кезінде Ақтау қаласы 58 мың куб су шығаратын болса және тапшы болатын болса, биыл жазда судан тапшылық болған жоқ. Сонымен қатар, МАЭК аумағында қосымша су тұщыту қондырғысы, ал Кендірлі, Форт-Шевченко қалалары мен Құрық ауылында теңіз суын тұшытатын зауыттар іске қосылды. Ал 2028 жылға дейін ауыз су мәселесін түбегейлі шешу үшін жалпы құны 114 миллиард теңгені құрайтын үш ірі жоба жоспарланған. Жылу желілерін жаңғырту мәселесі де қазір басты назарда. НҰРДӘУЛЕТ ҚИЛЫБАЙ, Маңғыстау облысының әкімі: Облыстағы 790 шақырымды құрайтын жылу желілерінің 61 пайызының тозығы жеткен. Оның басым көпшілігі Ақтау қаласында. 64 шақырым жылу желілерінде жаңарту жобалары аяқталды. Нәтижесінде Ақтау қаласында құбырлардың тозығы 79 пайыздан 70 пайызға дейін төмендеді. Ұзындығы 11 шақырымнан асатын магистральдық жылу құбыры толық ауыстырылып, биыл тағы 10 шақырымға жуық желі жаңартылды. Осылайша тозығы жеткен құбырлар азайтылған. #Информбюро #31арна #БастыЖаңалықтар #Новости #31канал