«Шашу». «Қыз жасауы» 7-бөлім \ «Шашу». «Кыз жасауы» 7-серия скачать в хорошем качестве

«Шашу». «Қыз жасауы» 7-бөлім \ «Шашу». «Кыз жасауы» 7-серия

Науат апаның үлкен қызы Ұлболсынның студент қызы күйеуге тиіп (дәлірек айтқанда үйіне ескертпей қашып кетіп), апаның қыздары аяқ астынан дүрлігеді. Ұлту: - Мен қазір барам да, дедектетіп алып келем ол қызды, - деп қаһарына мінеді. Істің мән-жайын сұрап қаныққан Науат апа, сабырға шақырып: - Сөз байласқан екен, өз еркімен кетіп отыр екен, жастық албырттықпен жасалған іс, қорқатын ештеңе жоқ, немене дүрлігесіңдер, - деп кесімді сөз айтады. Бәрі соған тоқтайды. Ақылдаса келе, Мұқаш, Ұлбала, Ұлболсындарды қуғыншы қылып жібереді. (Ондай іске Ұлтуды жіберу қауіп). Артынша, бәрі орнымен екенін біліп, қыздың "өз еркіммен келдім" деген хатын алып, анасына сүт ақысына, кешіріміне қомақты қаржысын беріп, құдалар бар ізеттілікті сақтап тұрғанына көздері жеткеннен кейін, бұлар енді қыздың артынан апаратын жасауын қамдауға кіріседі. Бұл жұмысқа енді өзім барам - деп Ұлту жұлқынып шығады. Қуғыншы болып бармадым деген реніші бар. Науат апа оған келіседі, бірақ стилді киімдерді таниды деп қасына Аиданы қосады (алдында ғана Ұлту мен Аиданың арасы онша болмай қалғанын көріп, екеуі бірге қалаға барып келіп, жол-жөнекей әңгімелесіп, жақындассын, татулассын деген бұл да Науат апаның астыртын саясаты). Жарайды, бірге барсақ барайық, бірақ ақша менде болады, - деп Ұлту келіседі. Екеуі Алматыға келеді. Аида Есентай-моллға кіріп, өте қымбат, брендовый киімдерді алуды ұсынады. Оған Ұлту қарсы болып: - Оның барлығы барахолкада толып тұр, - деп, сонда ертіп апарады. Шындығында кеше ғана европа подиумдарында шыққан киімдерді барахолкада көрген Аида таңғалады. Бәрі ештеңе емес, шетелде жабық показда көрсеткен өзінің AIDA брендінің көйлектерін Алатау базарынан көргенде не дерін білмей қалады. Сатушылардан қайдан алдыңыздар деп сұрағанда: - Үрімші мен Дордой аман болсын, - деп қысқа жауап береді. Бажалар бақта оңаша бас қосып, әншейінде ұстамды, салқынқанды Қыстаубай тұңғыш қызының жат жұртқа кетіп бара жатқанын айтып, кішкентай кездегі қылықтарын есіне алып, көңілі босап жылайды. Бұндайды күтпеген екі бажа қолдарынан келгенше жұбатып бағады. Әсіресе кіші бажасы Сайлаудың жұбатуы біртүрлі шығады. Соңында, қыздың жасауын толықтырып, құда шақыруға 100 пайыз дайынбыз, енді тек құдалардан хабар күтеміз деп көңілдері жайланып, Науат апаның балалары тапшанда отырып рахаттанып шәй ішеді. Қыздар, бажалар қалжыңдап, Науат апа да көңілденіп әңгімесін айтып, барлығы жарасымды отырғанын көріп Арман мен Аидада сүйсініп қарайды. (Шетелде саяқ жүргенде көре бермейтін, туыстық, ағайындық қарым-қатыныстың жылылығы сезілетін көрініс) Бүгінгі болған шудың бәрі Аланға зкшн кинодағы оқиғалар секілді әсер етеді. Ол ойларын Джесикаға жазған хатында баяндайды.