【韓式魚糕湯 | 在港韓媽教韓菜】超簡單做法！自家製韓國街頭小食！ | Junmama全媽媽 скачать в хорошем качестве

【韓式魚糕湯 | 在港韓媽教韓菜】超簡單做法！自家製韓國街頭小食！ | Junmama全媽媽

教你簡單方法整出韓國街頭小食! 韓國街邊食一串串熱辣辣嘅暖暖魚糕湯🍢🍲 平時睇韓劇，有冇見過啲男女主角會喺韓國街邊食一串串熱辣辣嘅魚糕湯呢！🍢🍲 日本有關東煮而我哋韓國就有魚糕湯！今日全媽媽想分享韓式魚糕湯食譜🤤 ————————————————— 請準備以下材料👩🏻‍🍳: (以下為3人份量) 1. 各款魚糕 2. 水 8杯 3. 洋蔥 半個 4. 白蘿蔔 1/3個 5. 薯仔 2個 6. 魚仔乾(大) 7條 7. 大蔥 1大條 8. 干海帶 大約4~5小塊 9. 蒜頭 3粒 10. 生抽 2T 11. 鹽 少量 【擺碟所需】 大蔥 切片少量 紫菜碎 胡椒粉 少量 【調味醬汁】 生抽 少量 製成品嘅魚糕湯汁 ________________________________________________________________________ 【準備魚糕步驟🍢】 1. 首先，將魚糕過一次熱水，將多餘嘅油沖出嚟，咁之後煲嘅湯就唔會咁油膩喇！ 2. 洗完嘅魚片可以切成闊嘅條狀，再用準備咗嘅竹籤去穿成波浪形，其他形狀嘅魚糕就可以隨心吉做一串串~ 【煲湯底步驟🍲】 1. 首先將大蔥切一半、兩個薯仔都切一半、白蘿蔔切厚片、蒜頭切片，並將魚仔乾入面嘅內臟掉走待用！ 2. 先將準備好嘅魚仔乾喺冇油嘅煎pan上炒炒佢，令魚仔味更香，炒好就待用！ 3. 將水倒入大煲之後開火，未滾嘅時候已經可以將干海帶、切半嘅大蔥、洋蔥、薯仔、白蘿蔔、炒好嘅魚仔乾同生抽倒入煲入面, 就煲20分鐘~(全媽媽tips👩🏻‍🍳✨: 記住煲嘅時候要開蓋！咁樣啲腥味先會去到㗎~) 4. 將頭先熬湯底嘅材料，除咗薯仔同白蘿蔔其他都可以拎走(大蔥、洋蔥、魚仔乾、干海帶)~ 5. 之後開大火，擺準備咗嘅魚糕串同蒜頭片落煲到，再煲5分鐘！ 6. (請中途試味~按個人喜好, 唔夠鹹就落少少鹽去調味) 【擺碟步驟🍽】 1. 將魚糕串同湯放入碗內，將紫菜碎同大蔥放面，再灑少許胡椒粉作調味之用~ 2. 調味醬: 將少量生抽+製成品魚糕湯水，以1:3份量調好！就隨時可以點魚糕食喇🐟 ________________________________________________________________________ 有咩韓餐想學都可以留comment話比全媽媽知咖~ Instagram: @junmamahk #韓式小菜 #魚糕湯 #食譜 #做法 #煮食 #韓國 #廣東話 #韓港 #生活 #韓餐 #韓國料理