#ព្រះបន្ទូលនៃសេចក្ដីពិតសម្រាប់ថ្ងៃសុក្រ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃសុក្រ

#ចំណងជើងវីដេអូ៖ «ចូរនិយាយភាសាដទៃបង្កើតចក្ខុវិស័យឡើង» Speak In Tongues And Create Visions #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃសុក្រ ទី៣០ ខែមករា ឆ្នាំ២០២៦ «ចូរនិយាយភាសាដទៃបង្កើតចក្ខុវិស័យឡើង» Speak In Tongues And Create Visions #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ដ្បិត​អ្នក​ណា​ដែល​និយាយ​ភាសា​ដទៃ នោះ​មិន​មែន​និយាយ​នឹង​មនុស្ស គឺ​ទូល​នឹង​ព្រះ​វិញ ពី​ព្រោះ​គ្មាន​អ្នក​ណា​ស្តាប់​បាន​ទេ ប៉ុន្តែ អ្នក​នោះ​និយាយ​ជា​សេចក្ដី​អាថ៌‌កំបាំង ដោយ​នូវ​វិញ្ញាណ» (១ កូរិនថូស ១៤:២)។ តើអ្នកដឹងទេថា អ្នកពិតជាអាចបង្កើតចក្ខុវិស័យ (Visions) បាន នៅខណៈពេលដែលអ្នកកំពុងនិយាយភាសាដទៃ? នេះគឺជាហេតុផលមួយ ដែលអ្នកត្រូវបណ្តោយ ឱ្យព្រះវិញ្ញាណបរិសុទ្ធ បានដឹកនាំចិត្តគំនិតរបស់អ្នកក្នុងការអធិស្ឋាន។ វាពិតជាមានភាពខុសប្លែកគ្នារវាង «ចក្ខុវិស័យខាងឯវិញ្ញាណដែលមកពីព្រះ» ដែលទ្រង់ បានបង្ហាញដល់អ្នកតាមរយៈវិញ្ញាណរបស់អ្នក និង «ចក្ខុវិស័យ» ដែលវិញ្ញាណរបស់អ្នក បង្កើតឡើងដោយមសមត្ថភាពខ្លួនឯង, ទាំងនេះគឺជាកិច្ចការពីរយ៉ាងដែលខុសគ្នា។ ជាច្រើនលើច្រើនសារ យើងតែងតែរង់ចាំចក្ខុវិស័យដែលព្រះប្រទានមកប៉ុណ្ណោះ ប៉ុន្តែព្រះអង្គ មិនប្រទានចក្ខុវិស័យប្រភេទនោះមក ជារៀងរាល់ថ្ងៃឡើយ ពីព្រោះ វាជាការចង្អុលបង្ហាញបែបជាក់លាក់ សម្រាប់ស្ថានភាពណាមួយ។ ទោះជាយ៉ាងណាក៏ដោយ តាមរយៈការកើតជាថ្មី ព្រះបានលើកអ្នកឡើង ឲ្យមកស្ថិតជាមួយនឹងកម្រិតរបស់ទ្រងដែរ។ ដូច្នេះ យើងគឺជា «អ្នករួមចំណែកជាមួយនឹងធម្មជាតិរបស់ទ្រង់ដែរ» (២ ពេត្រុស ១:៤), ហើយដោយសារតែព្រះ ទ្រង់ជាព្រះដែលបង្កើត (Creator) នោះអ្នកក៏ដូច្នោះដែរ។ នេះមានន័យថា អ្នកពិតជាអាចប្រើគំនិតរបស់អ្នក ដើម្បីបង្កើតចក្ខុវិស័យមួយ សម្រាប់អ្វីដែលអ្នកចង់ឃើញ ឬចង់ឲ្យកើតឡើង។ ដូច្នេះ នៅពេលអ្នកនិយាយជាភាសាដទៃ រឿងមួយក្នុងចំណោមរឿងទាំងពីរនេះនឹងកើតឡើងគឺថា៖ អ្នកក៏អាចបង្កើតចក្ខុវិស័យដោយគំនិតរបស់ខ្លួន (ជាការសញ្ជឹងគិតដែលដឹកនាំដោយព្រះវិញ្ញាណ) ឬព្រះវិញ្ញាណបរិសុទ្ធផ្ទាល់ នឹងបើកបង្ហាញអ្វីមួយដល់អ្នក។ ដូច្នេះ ប្រសិនបើមានកាលៈទេសៈដែលអ្នកប្រាថ្នាចង់បង្កើត ឬចង់ផ្លាស់ប្តូរ មិនថា នៅក្នុងពួកជំនុំរបស់អ្នក ទីក្រុងរបស់អ្នក ជីវិតរបស់អ្នក ឬសូម្បីតែនៅក្នុងប្រទេសជាតិរបស់អ្នកឡើយ សូមនិយាយជាភាសាដទៃចុះ។ ហើយតាមរយៈព្រះវិញ្ញាណ ចូរបង្កើតចក្ខុវិស័យនោះឡើង។ បន្ទាប់មក ចូរពិចារណាដោយព្រះវិញ្ញាណថា តើចក្ខុវិស័យនោះ ស្របតាមព្រះហឫទ័យរបស់ព្រះដែរឬទេ។ ប្រសិនបើស្របគ្នា ចូរឈានជើងចេញទៅ ហើយធ្វើឱ្យវាក្លាយជាការពិត។ ឧបមាថា អ្នកកំពុងតែអធិស្ឋាន សម្រាប់ទីក្រុងរបស់អ្នក ពីព្រោះអ្នកចង់ឃើញការផ្លាស់ប្តូរ និងចលនារបស់ព្រះ កើតមានឡើងនៅក្នុងទីក្រុងនោះ, អ្នកចង់ឃើញការរីកចម្រើននៃព្រះរាជ្យរបស់ព្រះនៅក្នុងទីក្រុងរបស់អ្នក។ កាលណាអ្នកអធិស្ឋាន ចូរចាប់ផ្ដើមមើលឲ្យឃើញ និងបង្កើតការផ្លាស់ប្តូរណាមួយ ដែលអ្នកចង់បាន។ សូមប្រើអំណាចនៃការស្រមៃទុករបស់អ្នក ដើម្បីបង្កើតជាចក្ខុវិស័យនៃសេចក្ដីប្រាថ្នារបស់អ្នក។ ព្រះបានតាំងអ្នកឱ្យធ្វើជាតួតំណាងរបស់ទ្រង់ ដូច្នេះ អ្នកក៏អាចបង្កើតចក្ខុវិស័យផ្ទាល់ខ្លួន ឱ្យស្របតាមព្រះហឫទ័យដ៏ល្អឥតខ្ចោះរបស់ព្រះអង្គបាន។ នេះគឺជាមូលហេតុ ដែលអ្នកត្រូវចំណាយពេលឱ្យបានច្រើន ជាមួយនឹងការអធិស្ឋានជាភាសាដទៃ នោះរូបភាពផ្សេងៗនឹងលេចឡើងដល់អ្នក។ ការស្រមើស្រមៃរបស់អ្នក នឹងត្រូវបានដាស់ឱ្យពុះកញ្ជ្រោលឡើងនៅក្នុងខ្លួនអ្នក។ សូមជ្រើសរើសរូបភាពណាមួយ ដែលអ្នកចង់បាន ហើយថ្វាយវា នៅចំពោះមុខព្រះ។ នៅពេលមួយ ដែលព្រះអង្គ នឹងយល់ស្របលើរូបភាពទាំងនោះ នោះអ្នកនឹងដឹងនៅក្នុងចិត្ត រួចអ្នកក៏អាចបន្តទៅមុខ ហើយប្រព្រឹត្តទៅតាមសេចក្ដីនោះចុះ។ សូមថ្វាយការសរសើរតម្កើងដល់ព្រះ! #សេចក្ដីប្រកាសជំនឿ កាលណាដែលទូលបង្គំ និយាយតែភាសាដទៃ នោះទូលបង្គំ នឹងអាចបង្កើតជាចក្ខុវិស័យមួយ និងសេចក្ដីពិត ដែលស្របតាមព្រះហឫទ័យដ៏ល្អឥតខ្ចោះរបស់ព្រះ។ វិញ្ញាណរបស់ទូលបង្គំ ស្របគ្នាជាមួយនឹងព្រះវិញ្ញាណបរិសុទ្ធ ហើយទូលបង្គំ នឹងធ្វើការងារជាមួយនឹងកម្រិតដ៏ខ្ពស់នៃភាពច្នៃប្រឌិត ការបើកសម្ដែង និងមានឥទ្ធិពល។ ទូលបង្គំ នឹងរៀបចំ និងកំណត់ផ្លូវនៃជីវិតខ្លួន ទីក្រុង និងពិភពលោករបស់ខ្លួន ឱ្យស្របតាមផែនការ និងគោលបំណងរបស់ព្រះបាន។ ទូលបង្គំដើរជាមួយនឹងជ័យជម្នះជានិរន្តរ៍ និងមានតែការរីកចម្រើនជានិច្ច ដោយសារតែទួលបង្គំមានព្រះវិញ្ញាណ។ អាម៉ែន។ #សម្រាប់ការសិក្សាបន្ថែម៖ ១ កូរិនថូស ១៤:២ ២ ពេត្រុស ១:៤ យូដាស ១:២០