උදපාන සූත්‍රය (පූජ්‍ය අලව්වේ අනෝමදස්සී ස්වාමීන්වහන්සේගේ දේශනාවකින් උපුටා ගන්නා ලදී.) скачать в хорошем качестве

උදපාන සූත්‍රය (පූජ්‍ය අලව්වේ අනෝමදස්සී ස්වාමීන්වහන්සේගේ දේශනාවකින් උපුටා ගන්නා ලදී.)

පූජ්‍ය අලව්වේ අනෝමදස්සී ස්වාමීන්වහන්සේගේ දේශනාවකින් උපුටා ගන්නා ලදී. සම්පූර්ණ දේශනාව    • උදපාන සූත්‍රය | Udapana Suthraya (2023.03.01)   උදපාන සූත්‍රය https://tipitaka.lk/kn-ud-7-9 1. එවං මෙ සුතං: එකං සමයං භගවා මල‍්ලෙසු චාරිකං චරමානො මහතා භික‍්ඛුසඞ‍්ඝෙන සද‍්ධිං යෙන ථූණං නාම මල‍්ලානං බ්‍රාහ‍්මණගාමො තදවසරි. අස‍්සොසුං ඛො, ථූනෙය්‍යකා බ්‍රාහ‍්මණගහපතිකා ‘සමණො ඛලු භො ගොතමො සක්‍යපුත‍්තො සක්‍යකුලා පබ‍්බජිතො මල‍්ලෙසු චාරිකං චරමානො මහතා භික‍්ඛුසඞ‍්ඝෙන සද‍්ධිං ථූණං අනුප‍්පත‍්තො’ති. උදපානං තිණස‍්ස ච භුසස‍්ස ච යාව මුඛතො පූරෙසුං’මා තෙ මුණ‍්ඩකා සමණකා පානීයං අපංසූ”ති. 2. අථ ඛො භගවා මග‍්ගා ඔක‍්කම‍්ම යෙන රුක‍්ඛමූලං තෙනුපසඞ‍්කමි. උපසඞ‍්කමිත්‍වා පඤ‍්ඤත‍්තෙ ආසනෙ නිසීදි. නිසජ‍්ජ ඛො භගවා ආයස‍්මන‍්තං ආනන්‍දං ආමන‍්තෙසි: ‘ඉඞ‍්ඝ මෙ ත්‍වං ආනන්‍ද, එතම‍්හා උදපානා පානීයං ආහරා’ති. එවං වුත‍්තෙ ආයස‍්මා ආනන්‍දො භගවන‍්තං එතදවොච: ඉදානි සො භන‍්තෙ, උදපානො ථූනෙය්‍යකෙහි බ්‍රාහ‍්මණගහපතිකෙහි තිණස‍්ස ච භුසස‍්ස ච යාව මුඛතො පූරිතො, ‘මා තෙ මුණ‍්ඩකා සමණකා පානීයං අපංසූ’ති. දුතියම‍්පි ඛො භගවා ආයස‍්මන‍්තං ආනන්‍දං ආමන‍්තෙසි: ඉඞ‍්ඝ පෙ අපංසූති. තතියම‍්පි ඛො භගවා ආයස‍්මන‍්තං ආනන්‍දං ආමන‍්තෙසි: ‘ඉඞ‍්ඝ මෙ ත්‍වං ආනන්‍ද එතම‍්හා උදපානා පානීයං ආහරා’ති. ‘එවං භන‍්තෙ’ති ඛො ආයස‍්මා ආනන්‍දො භගවතො පටිස‍්සුත්‍වා පත‍්තං ගහෙත්‍වා යෙන සො උදපානො තෙනුපසඞ‍්කමි. 3. අථ ඛො සො උදපානො ආයස‍්මන‍්තෙ ආනන්‍දෙ උපසඞ‍්කමන‍්තෙ සබ‍්බං තං තිණඤ‍්ච භුසඤ‍්ච මුඛතො ඔවමිත්‍වා අච‍්ඡස‍්ස උදකස‍්ස අනාවිලස‍්ස විප‍්පසන‍්නස‍්ස යාව මුඛතො පූරිතො විස‍්සන්‍දෙන‍්තො මඤ‍්ඤෙ අට‍්ඨාසි. අථ ඛො ආයස‍්මතො ආනන්‍දස‍්ස එතදහොසි: අච‍්ඡරියං වත! භො, අබ‍්භුතං වත! භො, තථාගතස‍්ස මහිද‍්ධිකතා මහානුභාවතා. අයං හි සො උදපානො මයි උපසඞ‍්කමන‍්තෙ සබ‍්බං තං තිණඤ‍්ච භුසඤ‍්ච මුඛතො ඔවමිත්‍වා අච‍්ඡස‍්ස උදකස‍්ස අනාවිලස‍්ස විප‍්පසන‍්නස‍්ස යාව මුඛතො පූරිතො විස‍්සන්‍දෙන‍්තො මඤ‍්ඤෙ අට‍්ඨාසී ති. පත‍්තෙන පානීයං ආදාය යෙන භගවා තෙනුපසඞ‍්කමි, උපසඞ‍්කමිත්‍වා භගවන‍්තං එතදවොච: අච‍්ඡරියං’ භන‍්තෙ, අබ‍්භුතං’ භන‍්තෙ. තථාගතස‍්ස මහිද‍්ධිකතා මහානුභාවතා. අයං හි සො භන‍්තෙ උදපානො මයි උපසඞ‍්කමන‍්තෙ සබ‍්බං තං තිණඤ‍්ච භුසඤ‍්ච මුඛතො ඔවමිත්‍වා අච‍්ඡස‍්ස උදකස‍්ස අනාවිලස‍්ස විප‍්පසන‍්නස‍්ස යාව මුඛතො පූරිතො විස‍්සන්‍දෙන‍්තො මඤ‍්ඤෙ අට‍්ඨාසි. පිවතු භගවා පානීයං, පිවතු සුගතො පානීයං”ති. 4. අථ ඛො භගවා එතමත්‍ථං විදිත්‍වා තායං වෙලායං ඉමං උදානං උදානෙසි: “කිං කයිරා උදපානෙන ආපා වෙ සබ‍්බදා සියුං, තණ‍්හාය මූලතො ඡෙත්‍වා කිස‍්ස පරියෙසනං චරෙ”ති. Web Site : https://anomadassi.lk/ All Sutta : https://suthra.lk/ All Sakachcha : https://suthra.lk/sakachcha All Deshana : https://suthra.lk/deshana Youtube Channel :    / @anomadassi