萬千星輝頒獎典禮2025丨公布提名名單 多位藝員獲提名多個獎項 скачать в хорошем качестве

萬千星輝頒獎典禮2025丨公布提名名單 多位藝員獲提名多個獎項

萬千星輝頒獎典禮2025丨公布提名名單 多位藝員獲提名多個獎項 《萬千星輝頒獎典禮2025》於 24嘅公布提名名單，今年有多個獎項都出現一人憑多劇入圍嘅局面，好似視后方面 宣萱 劉佩玥 同 陳瀅 都有兩個提名，而視帝方面 陳豪 黃宗澤 譚俊彥 張振朗 同 朱敏瀚 都各有兩個提名，競爭相當激烈。 去年 張振朗 就提醒觀眾可以投首選同次選，呢日 羅子溢 就沿用對方嘅策略，仲話自己好需要大家嘅一票，由於子溢今次同時有份提名「最佳男主角」及「最佳男配角」兩個獎項，佢就話自己比較貪心，希望兩個都可以獲獎。 至於問到朱仔會否為入圍「最佳女主角」嘅緋聞女友 陳曉華 拉票？佢即時詐傻扮懵，一時就話要幫佘詩曼拉票，一時就話要為陳姓好友陳瀅 、 陳法蓉 同 陳煒 拉票，但就堅持唔提 陳曉華，身旁嘅子溢就即時幫拖，話因為陳曉華係憑《金式森林》入圍，所以拉票嘅職責就交畀佢。 男、女配角同樣出現一人憑多劇入圍嘅現象， 丁子朗 同 郭柏妍 都一人有三個提名，何廣沛 鄧智堅 黃子恆 吳業坤 黃庭鋒 高鈞賢 劉佩玥 劉穎鏇 同 龔慈恩 就各有兩個提名。龔慈恩就話兩個角色都各有發揮機會，各有唔同層次同變化，所以好開心兩角都得到提名。譚凱琪就話覺得自己嘅角色可以再做好啲，但有提名都已經係當贏咗。 馬貫東 就話以平常心對待，因為佢已經完成咗畀自己嘅目標，至於能否攞獎就要靠觀眾。 有唔少藝員已多次入圍「飛躍進步男、女藝員」獎項，今年憑《女神配對計劃》成功彈起嘅 曾展望GM 同 葉蒨文Sophie ，以及 林俊其 同 羅毓儀 呢兩對CP都雙雙入圍，GM同Sophie仲加碼入圍男女主持，對此GM恭喜女友之餘，亦恭喜一眾有份提名嘅藝員同事。而拉票環節時，兩人更係肆無忌憚地放閃，先係 一直自稱公平同中立嘅GM，話女友Sophie係最好：「唔投佢都唔個投邊個好。」而自認偏心嘅Sophie，就話自己中肯地講句：「GM最好！」 今年「最佳電視歌曲」嘅競爭亦相當激烈，幾位中聲唱將主唱嘅歌曲都有份入圍，周吉佩就話希望可以同黃博、張與辰齊齊得獎，張與辰就指觀眾有三票，投晒佢哋三個就啱啱好喇，佢仲指自己仲有幾套戰衣未著，希望大家可以投佢一票送佢到現場呀。指自己細細個就睇頒獎典禮嘅黃博，話每次見到唔同演員同歌手得獎，自己都好開心，今年到自己都有份入圍，佢覺得相當神奇。 男女主持方面有老將亦有新丁，《娛樂新聞台》嘅三位主持 許文軒 潘盈慧 同 王鎮泉 今年繼續有份入圍， 同樣入圍「最佳男 / 女主持」嘅 冼靖峰 ，就話遇到呢三位前輩就已經冇得鬥。 阿盈指再次以《娛樂新聞台》主持身份入圍相當開心，因為一直以嚟大家都好努力，如今可以得到大家嘅肯定，相當開心。泉叔就話自己繼續努力陪跑，佢又指今年最佳主持嘅提名名單陣容強勁。 同樣入圍「最佳男 / 女主持」嘅 龔嘉欣，就話自己剛入行時係做主持先，車婉婉 同 許文軒 聞言即叫嘉欣做前輩。嘉欣就話回想做主持嘅經歷，其實對演戲都甚有幫助。車婉婉就話自從做咗主持後，發現拍劇其實係令人好enjoy嘅事，因為個角色有晒劇本，只要將自己浸淫喺角色當中就可以，但做主持嘅話，個腦要維持住八千轉喇。 同時入圍多個獎項嘅 吳業坤 ，就話自己有提名就已經當係得獎，縱然有多項提名在手，但坤哥指自己好希望可以得到歌曲獎。同樣有多項提名嘅 黃庭鋒，就話見到坤哥咁輕鬆，自己都放鬆咗心情，對於連續六年提名「飛躍進步男藝員」，就表示希望今年可以獲獎。 對於自己有幾個提名嘅何沛珈，就表示有提名就已經好開心，同時佢亦感激呢幾年來教導過佢嘅所有人。有三項提名在手嘅莊子璇，就話歌曲嘅係多得冼靖峰，佢先有得提名，至於「最佳女主持」嘅提名，佢就話係一個重擔，但同時亦好開心有多項提名。再次提名「飛躍進步女藝員」嘅陳楨怡，就指每年都有提名，就代表每一年都有進步，同時亦開心《巨塔之后》嘅角色，可以畀觀眾睇到另一面嘅自己呀。 #萬千星輝頒獎典禮2025 #張振朗 #朱敏瀚 #羅子溢 #宣萱 #陳曉華 #曾展望 #葉蒨文 #林俊其 #羅毓儀 #龔嘉欣 #車婉婉 #許文軒 #潘盈慧 #王鎮泉 #巨塔之后 #金式森林 #新聞女王2 #娛樂新聞台 #飛躍進步女藝員 #陳楨怡 #黃庭鋒 #吳業坤 #周吉佩 #黃博 #張與辰 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0