ທ່ານຮູ້ບໍວ່າສະຫຍາມເຂົາມາປົກຄອງລ້ານຊ້າງແກ່ຍາວເຖິງ114ປີ! скачать в хорошем качестве

ທ່ານຮູ້ບໍວ່າສະຫຍາມເຂົາມາປົກຄອງລ້ານຊ້າງແກ່ຍາວເຖິງ114ປີ!

 Sabaidee ເຮົົາເຄີຍໄດ້ຍິນເລີຍໆກັບປະໂຫຍກທີ່ວ່າ”ໄທ-ລາວ”ບ້ານພີ່ເມືອງນ້ອງລາວໄທ ພີ່ນ້ອງກັນ ເພາະວ່າຄົນທັງສອງຊາດມີຫລາຍສິ່ງຫລາຍຢ່າງທີ່ຄ້າຍຄືກັນເຊັ່ນ: ສາສະຫນາ, ວັດທະນາທຳ, ພາສາ ແລະ ຮີດຄອງປະເພນີ...ແຕ່ວ່າຄົນລາວບາງຄົນບໍ່ໄດ້ເຫັນດີເຫັນງາມກັບຄຳເວົ້ານີ້ເລີຍ ແລະ ຄົນລາວບາງຄົນຍັງຊັງຄົນໄທເປັນຍ້ອນສາເຫດອັນໃດເຮົາມາຕິດຕາມນຳກັນເລີຍ!  ຊາດລາວມີປະຫວັດການກຳເນີດແລະ ຂະຫຍາຍຕົວ ມາຫລາຍພັນປີ ບັນພະບູລຸດ ແລະ ປະຊາຊົນລາວຜູ້ຮັກຊາດໄດ້ຕໍ່ສູ້ປົກປັກຮັກສາ ແລະ ສ້າງສາສືບທອດກັນມາຫລາຍເຊັ່ນຄົນແລ້ວ.  ໃນສະຕະວັດທີ່14 ເຈົ້າຟ້າງຸ່ມກະສັດລາວຜູ່ທຳອິດທີ່ສາມາດທ້ອນໂຮມຫົວເມືອງ ແລະ ເຂດແຄວນຕ່າງໆໂຮມເຂົ້າກັນສຳເລັດໂດຍຕັ້ງຊື່ວ່າອານາຈັກລາວລ້ານຊ້າງອັນກ້ວາງໃຫຍ່ໄພສານມີແມ່ນ້ຳຂອງໄຫລຜ່ານທາງກາງ ມີລາດຊະທານີຢູ່ນະຄອນຫລວງພະບາງ.  ກາງສະຕະວັດທີ່16ເຈົ້າໄຊຍະເສດຖາທິຣາດໄດ້ຍ້າຍນະຄອນຫລວງຈາກຫລວງພະບາງມາສ້າງນະຄອນຫລວງແຫ່ງໃຫມ່ທີ່ເມືອງວຽງຈັນເພາະເປັນທີ່ຮາບພຽງກວ້າງຂວາງມີທ່າແຮງຫລາຍຢ່າງໃນການພັດທະນາ ແລະ ກາຍເປັນນະຄອນຫລວງວຽງຈັນສູນກາງເສດຖະກິດ ການເມືອງຈົນຮອດປັດຈຸບັນ.  ຮອດສະຕະວັດທີ່17ພາຍໃຕ້ລາດຊະການຂອງເຈົ້າສຸລິຍະວົງສາອານາຈັກລາວລ້ານຊ້າງຍັງຄົງສືບຕໍ່ພັດທະນາໃຫ້ມີຄວາມຮຸງເຮືອງ, ອຸດົມຮັ່ງມີ ແລະ ເຂັ້ມແຂງທາງດ້ານການເມືອງຈົນເປັນທີ່ຍອມຮັບຂອງບັນດາອານາຈັກອ້ອມຂ້າງເຊັ່ນ ດາຍວຽດເບື້ອງຕາເວັນອອກ, ,ລ້ານນາ ແລະ ສະຫຍາມເບື້ອງຕາເວັນຕົກ, ຂອມທາງທິດໃຕ້  ພໍມາຮອດສະຕະວັດທີ່18ເປັນໄລຍະແຫ່ງຄວາມເຊື່ອມໂຊມ, ອ່ອນແອເມື່ອອານາຈັກລ້ານຊ້າງແຕກແຍກຄວາມສາມັກຄີຍາດຊີງດີຊີງເດັ່ນກັນໃນກຸ່ມຂຸນນາງລາດຊະວົງ ອານາຈັກລາວລ້ານຊ້າງໄດ້ແຕກແບ່ງອອກເປັນ3ອານາຈັກຄື: ອານາຈັກລ້ານຊ້າງຫລວງພະບາງພາກເໜືອ; ອານາຈັກລ້ານຊ້າງວຽງຈັນພາກກາງ ແລະ ອານາຈັກລ້ານຊ້າງຈຳປາສັກຢູ່ພາກໃຕ້.  ຄວາມແຕກແຍກນີ້ໄດ້ກາຍເປັນຊ່ອງຫວ່າງເປີດໂອກາດໃຫ້ອານາຈັກໃກ້ຄຽງເຂົ້າຮຸກຮານເປັນຕົ້ນແມ່ນໃນຊ່ວງສະຫຍາມເຮືອງອຳນາດພວກເຂົາສວຍໃຊ້ໂອກາດນີ້ ເຂົ້າມາບຸກຕີແລະຢຶດປົກຄອງ3ອານາຈັກນີ້ແກ່ຍາວເຖິງ114ປີ ຊ່ວງໄລຍະນີ້ປະຊາຊົນລາວຕ້ອງກາຍເປັນແຮງງານຂ່ອຍຂ້າຮັບໃຊ້ ແລະ ສົ່ງສ່ວຍໃຫ້ສະຫຍາມສ້າງຄວາມຮັ່ງມີໃຫ້ແກ່ສະຫຍາມຢ່າງມະຫາສານໃນສະໄຫມນັ້ນ.  ປີ1804ເຈົ້າອານຸວົງກະສັດລາວ ຜູ່ມີຄວາມກ້າຫານໄດ້ນຳພາປະຊາຊົນລຸກຂື້ນຕໍ່ສູ້ເພື່ອຍາດເອົາເອກະລາດ.  ແຕ່ການຕໍ່ສູ້ຂອງເຈົ້າອານຸວົງຖືກປະລາໄຊ ຍ້ອນມີກຳລັງທີ່ນ້ອຍກວ່າ ໃນຊ່ວງໄລຍະນີ້ເອງທີ່ວຽງຈັນຖືກເຜົາທຳລາຍ, ປະຊາຊົນລາວຖືກກວດຕ້ອນໄປເປັນແຮງງານ ຈຳນວນມະຫານສານ ແຮງງານເຫລົ່ານີ້ຕ້ອນເຮັດວຽກໜັກແສນສາຫັດ ເຊັ່ນ ຂຸດຄອງແສນແສບທີ່ບາງກອກຍາວເຖິງ72ກິໂລເມັດໃຊ້ເວລາຂຸດ14ປີ ຊື່ຄອງແສນແສບ ກໍ່ຫມາຍຄວາມວ່າຄວາມເຈັບແສບຄວາມທຳລະມານນັ້ນເອງ  ທ້າຍສະຕະວັດທີ່19ຍຸກລ່າຫົວເມືອງຂື້ນແບບໃຫມ່ຈາກຕາເວັນຕົກໄດ້ແຜ່ອິດທິພົນຮອດອິນດູຈີນໂດຍເຂົ້າຢຶດວຽດນາມກຳປູເຈຍ ສະຫຍາມຈຳເປັນຕ້ອງເຊັນສັນຍາຍົກດິນແດນເບື້ອງຂວາ ແມ່ນ້ຳຂອງທີ່ຕົນປົກຄອງຢູ່ໃຫ້ກັບຟຣັ່ງໂດຍແລກກັບເອກະລາດຈາກຟຣັ່ງ ນັບແຕ່ນັ້ນມາພີ້ນ້ອງລາວທັງສອງຝັ່ງໄດ້ກາຍເປັນປະຊາຊົນຄົນລະປະເທດຂື້ນກັບການປົກຄອງທີ່ຕ່າງກັນ, ກາຍໄປລາວແລະໄທ  ປີ1975ຍ້ອນຄວາມສາມັກຄີຮ່ວມກັນຕໍ່ສູ້ຂອງ3ຊາດອິນດູຈີນ ຈຶ່ງຍາດມາໄດ້ເອກະລາດທີ່ສົມບູນ ແລະ ລາວກໍ່ໄດ້ປະກາດເອກະລາດ ສະຖາປານາເປັນ ສປປລາວ ພາຍໃຕ້ຮູບແບບການປົກຄອງແບບໃຫມ່(ເປັນປະເທດສັງຄົມນິຍົມ).  ເຊິ່ງແນ່ນອນລະບອບສັງຄົມນິຍົມຈະກົງກັນຂ້າມກັບລະບອບການປົກຄອງຂອງໄທເພາະສະນັ້ນຄວາມຮ້ອນແຮງທາງດ້ານການເມືອງ ແລະ ການຕໍ່ສູ້ຍັງຄົງປະກົດໃຫ້ເຫັນຢູ່ບາງຂົງເຂດເຊັ່ນ ເສິກ3ໝູ່ບ້ານທີ່ໄຊຍະບູລີເປັນຕົ້ນ ທັງທັງສອງຝ່າຍຕ່າງກໍ່ປະກາດວ່າຕົ້ນເອງເປັນຝ່າຍຊະນະແຕ່ໃນຄວາມຈິງແລ້ວທັງສອງຝ່າຍເຕັມໄປດ້ວຍຄວາມສູນເສຍຢ່າງມະຫາສານ.ໃນທີ່ສຸດທັງສອງຝ່າຍກໍ່ຫັນຫນ້າເຂົ້າເຈລະຈາຕົກລົງກັນໂດຍສັນຕິວິທີ ແລະ ຟື້ນຄວາມສຳພັນໄມຕີເປີດການຂ້າຂາຍໄປມາຫາສູ່ກັນເປັນປົກກະຕິ  ໃນປັດຈຸບັນປະຊາຊົນລາວຍັງຄົງຈື່ຈຳ ແລະ ບໍ່ເຄີຍລືມກັບການສູນເສຍໃນຄັ້ງອາດີດເຊັ່ນດິນແດນຝັ່ງຊ້າຍແມ່ນ້ຳຂອງເຊິ່ງເປັນພາກອີສານໃນປັດຈຸບັນ, ການເຜົາວຽງຈັນ, ພະແກ້ວມໍລະກົດ, ພະສຸກ, ພະເສີມ, ພະໃສ ທີ່ຖືກປຸ້ນສະດົມໄປ...ບວກກັບການດູຖູກດູມິນເລີຍມາ  ແລະອີສານເອງບໍ່ມັກໃຫ້ໄທພາກກາງ ເອີ້ນເຂົາເຈົ້າວ່າລາວ ເພາະຄຳວ່າລາວນັ້ນກາຍເປັນຄຳຢຽດ,ຄຳດູມິ່ນ,ຄຳທີ່ປຽບເໝືອນຄວາມທຸກຍາກຕໍ່ຳຕ້ອຍ...ຄຳວ່າລາວຈິ່ງກາຍເປັນຄຳດູຖູກຈົນມາເຖິງທຸກວັນນີ້  ໃນສັງຄົມໂຊຊ່ຽວຄົນໄທບາງກຸ່ມມັກເວົ້າວ່າໄທລາວພີ້ນ້ອງກັນ ແຕ່ ກົງກັນຂ້າມພາບນຶກຄິດໃຫ້ຫົວຄົນລາວບາງຄົນຕອບອອກມາທັນທີເລີຍວ່າ ວ່າພີ້ນ້ອງກັນບ່ອນໃດວະ! ພຽງແຕ່ບໍ່ສະແດງອອກມາເປັນໂຕຫນັງສືເທົ່ານັ້ນເອງ  ນີ້ຈຶ່ງເປັນສາເຫດທີ່ວ່າເປັນຫຍັງຄົນລາວບາງຄົນ ຈຶ່ງກືນບໍ່ລົງຄາຍກໍ່ບໍ່ອອກກັບຄຳວ່າໄທລາວພີ້ນ້ອງກັນ.  ປະຫວັດສາດບໍ່ໄດ້ສອນໃຫ້ຄົນເຮົາຜິດກັນ ແຕ່ ປະຫວັດສາດຕືນສະຕິບໍ່ໃຫ້ຄົນລືມ! ທີ່ມາ : ສະຫຍາມ ວິກິພິເດຍ : ປະຫວັດສາດລາວ : ອານາຈັກລາວລ້ານຊ້າງ : lao history