10 mavzu: Xavfsiz hayot скачать в хорошем качестве

10 mavzu: Xavfsiz hayot

#Kelajak_soati Namangan davlat universiteti Namangan viloyati Favqulodda vaziyatlar boshqarmasi bilan hamkorlikda «Kelajak soati» rukni doirasidagi “Xavfsiz hayot” mavzusida navbatdagi ma’rifat darsi o‘tkazildi Mazkur ma’rifat darsi talabalarda shaxsiy xavfsizlik tushunchasini to‘g‘ri anglash, o‘zini himoya qilish ko‘nikmalarini shakllantirish hamda favqulodda holatlarda to‘g‘ri harakat qilishni o‘rgatishga qaratildi. Dars davomida xavf turlari, ular sabab bo‘lishi mumkin bo‘lgan salbiy oqibatlar va xavfsizlikni mustahkamlash yo‘llari haqida atroflicha fikr yuritildi. Ma’rifat darsining asosiy maqsadi talabalarda xavfsizlik va sog‘lom ijtimoiy munosabatlar uchun shaxsiy chegaralarning ahamiyatini anglash, o‘zlari va atrofdagilar uchun hurmatga asoslangan muhit yaratish bo‘yicha mas’uliyat hissini shakllantirishdan iborat bo‘ldi. Universitet birinchi prorektori Islomjon Odilov hamda Namangan viloyati Favqulodda vaziyatlar boshqarmasi boshlig‘i, polkovnik Bunyodjon Egamnazarovlar tomonidan ma’rifat darsi olib borilib, talabalarga shaxsiy xavfsizlik madaniyati, favqulodda vaziyatlarda to‘g‘ri harakat qilish tartiblari hamda bu boradagi amaliy ko‘nikmalarni batafsil tushuntirib berdilar. Shundan so‘ng, talabalar Favqulodda vaziyatlar boshqarmasining faoliyati, texnik jihozlari va maxsus asbob-anjomlari bilan yaqindan tanishtirildi. Shuningdek, yong‘in o‘chirish bo‘yicha amaliy maxsus-taktik o‘quv mashqi tashkil etilib, unda shartli yong‘inni bartaraf etish, talabalarni evakuatsiya qilish, yuqori qavatdan qutqarish hamda jarohatlanganlarga birinchi tibbiy yordam ko‘rsatish jarayonlari volontyorlar ishtirokida amaliy ko‘rinishda namoyish qilindi. Ushbu ma’rifat darsi talaba-yoshlarda xavfsizlik madaniyatini oshirishga, ongli yondashuvni shakllantirishga hamda ijtimoiy hayotda mas’uliyatni his etishga xizmat qildi. Namangan davlat universiteti Axborot xizmati