قصة منطقة الضاحية الجنوبية – الحلقة 22 من برنامج لوين رايحين؟ скачать в хорошем качестве

قصة منطقة الضاحية الجنوبية – الحلقة 22 من برنامج لوين رايحين؟

اليوم مشوارنا لوحدة من أكتر المناطق الشعبية بلبنان. وهي ضاحية بيروت الجنوبية. هالمنطقة التابعة لمحافظة جبل لبنان كانت أيام العثمانيين عبارة قرى مليانة جلول وبساتين مزروعة بكل أنواع الشجر والفواكة والخضرا. وكان أهل بيروت والمناطق المجاورة يستفيدو من خيرات هالأرض ومن تربتها الخصبة يلي جذبت الفلاحين الها من كل الطوائف والمناطق. وكانوا الفلاحين يحطوا محصولون على الدواب لينزلوا يبيعوهن بأسواق بيروت القديمة وبالمناطق البيروتية المختلفة. والخير ما كان موجود بس بتراب هالمنطقة ولكن بأهلها كمان يلي عاشوا فيها من كل الطوائف والأديان بمحبة، فبنوا البيوت والكنائس والمساجد. وللمفارقة كانت الدولة العثمانية تفرض على المزارعين شي اسمو الدخولية وهي عبارة عن ضرائب محددة على المحاصيل الزراعية لتسمحلها انو تبيعن ببيروت. وكانت مراكز الضرائب موجودة على مداخل بيروت وبالمناطق الرئيسية. واستمرت هالضرائب حتى بعهد الإنتداب الفرنسي. شهدت هالمنطقة وتحديداً بالقرن العشرين حركة نزوح كبيرة الها خصوصاً من جنوب لبنان وجبل عامل والبقاع حتى أنو الكتير من العيل البيروتية كانت تسكن فيها. ومع إزدياد السكان بلشت هالمنطقة تدريجياً تعمر وكترت فيها البيوت والمحلات والمصانع والشركات وانشقت فيها الطرقات واختفت منها الجلول والبساتين وصارت عبارة عم مناطق وشوارع. ومع مرور السنين والتغيرات الديمغرافية عمرت هالمنطقة أكتر وأكتر وصارت وحدة من المناطق الأكثر شعبية على وجه الإطلاق وتحولت لمدينة خصوصاً أنو انبنت فيها المستشفايات والمدارس والمعاهد والجامعات والبلديات وانبنى على طرافها مطار بيروت الدولي يلي عطا هالمنطقة قيمة مضافة. اما بالنسبة لتسميتها بالضاحية الجنوبية فهالأمر بعود لأنو هالمنطقة كانت موجودة خارج مدينة بيروت التقليدية لناحية الجنوب وبالعادة أي منطقة بتكون موجودة خارج العاصمة تسمى بالضواحي. مع العلم انو هالمنطقة ضلت لسنين طويلة تعرف بإسم ساحل المتن الجنوبي. قبل ما يصير إسمها الضاحية الجنوبية. إعداد: الدكتور حسان حلاق تقديم: ربيع ياسين تصوير خارجي: سيرج ابي غانم مونتاج: أمير مقصود Facebook:   / rabihy1   Twitter:   / yassinerabih   Instagram:   / rabihyassin