MMA döyüşçüsü: “Döyüşə girəndə şəhidlərimiz, qazilərimiz gözümün qabağına gəldi” скачать в хорошем качестве

MMA döyüşçüsü: “Döyüşə girəndə şəhidlərimiz, qazilərimiz gözümün qabağına gəldi”

#APATV #MMA #MMAdöyüşçüsü #GözəlZutova #YFC #YusifFightChampionship #NaraMarqarosyan Qarışıq döyüş növləri (MMA) üzrə Azərbaycan idmançısı Gözəl Zutova İstanbulda keçirilən Yusif Fight Championship (YFC) liqasında Ermənistan təmsilçisi Nara Marqarosyanla qarşı-qarşıya gəlib. Ermənini 10 saniyədə nakauta salan idmançımız deyir ki, döyüşə girəndə şəhidlərimiz, qazilərimiz gözümün qarşısına gəldi: “Mənim şəxsi müəllimim, həm də menecerdir. Dünya menecerləri ilə bir yerdə işləyir. Onlar təklif etdilər, biz də düşməndir axı erməni, heç vaxt yox demərik. Elə vaxt olurdu yorulurdum məşqdə, adi yarışa hazırlaşanda yorulub otururdum dincəlməyə. Amma burda ona qarşı hazırlaşırdım deyə, adını belə çəkmək istəmirəm. Mən onu istəyirdim 3-4 dəqiqədə döyüm, döyüm, sabah onun sifəti qapqara olsun. Ringə girdiyim anda onu gördüm şəhidlərimiz, hazırda da xəstəxanada yatan qazilərimiz gözümün qabağına gəldi. Onlar bizim qadınlarımıza, uşaqlarımıza o qədər zülm veriblər ki, biz adicə başqa ölkələrdə “zbora” gedəndə onlar ortalıqda elə gəzirdilər ki, biz özümüzü əzilmiş kimi hiss edirdik. Düzdür indi torpaqlarımızı qaytarıblar, başı dikik. Amma yenə də onları görəndə, mən onu öldürmək istəyirdim o ringdə. Mən vurduqca vurmaq istəyirdim, hakim çəkdi məni. Yüngül çəkili bir hakim olsaydı çəkə bilməzdi məni ordan”. Eyni zamanda FHN-nin əməkdaşı olan Gözəl Zutova yarışların birində belindən zədə aldığı üçün idmana qayıtmaq fikrinin olmadığını deyir: “Çempion olmuşdum. Polşada gələndən sonra belimdən çox güclü zədə aldım. Müəyyən vaxt idmandan aralaşdım, qayıtmaq da fikrim yox idi. Belimi əməliyyat etmişdilər, xəstə yataqda, yatdığım yerdə də məşq edirdim ki, bədənim yatmasın. Mən özüm FHN-nin əməkdaşıyam, xüsusi riskli xilasetmə əməkdaşıyam”. Gözəl Zutovanın məşqçisi Yusif Əliyev mənfur düşmənin tək Azərbaycan kişisinin yox, Azərbaycan qadının da yumruğunu gördüyünü deyir: “Bu yarış onunla fərqlənir ki, biz düşmənlə döyüşürdük. Biz ağır şəraitdə məşq etdik. Çox əziyyət çəkdi Gözəl, həm çəki, həm də döyüşə hazırlaşmalı idi. Gündə 3 dəfə məşqlərimiz olurdu. Erməni qızı döyüşdən əvvəl qışqırırdı ki, kəmər mənimdir, kəmər mənimdir. Amma Gözələ deyirdim ki, sən döyüşə köklən. Yorulanda həmişə deyirdim ki, rəqib ermənidir, Gözəl ona uyğun hazırlaşırdı. Tək Azərbaycan kişisinin yox, həm də Azərbaycan qadının yumruğunu da göstərdik ki, mənfur düşmən Azərbaycan qadının da yumruğu məhv edər sizi”. Öz kasadlığına bələd olan düşmən Azərbaycan xalqının gücünü istər döyüş meydanında, istərsə də yarış meydanında gördü. ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi twitter səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV