Körpə dünyaya göz açmadan əməliyyat olundu скачать в хорошем качестве

Körpə dünyaya göz açmadan əməliyyat olundu

Dünyaya göz açmadan onu əməliyyat masasına yatırdılar. Qeysəriyyə üsulu ilə dünyaya gələn körpənin bağırsağında əməliyyat aparılıb. Yeni doğulan körpənin bağırsağında qastrosiziş patalogiyası aşkarlanıb. Ana bətnində olarkən uşağın nazik və yoğun bağırsaqlarının bir hissəsi vücuddan kənara çıxıb. Azərbaycan Tibb Universitetinin Tədris Cərrahiyyə Klinikasının mama-ginekologiya şöbəsinin müdiri Turab Canbaxışov: "29-cu həftədən başlayaraq, ana bətnində 4 dəfə cərrahi müdaxilə etməklə dölün ətrafındakı mayeni tamamilə dəyişdirdik. Əməliyyatın məqsədi oradakı mayeni dəyişdirmək, yerinə başqa maye vermək idi ki, çöldə olan bağırsaqlara mənfi təsir göstərməsin". Həkim deyir ki, bu, olduqca riskli prosedurdur, çünki ana bətninə iynə ilə müdaxilə edilir. Bu da öz növbəsində erkən doğuşa gətrib çıxara bilərdi. Amma proses uğurla nəticələndi. Klinikanın uşaq cərrahiyyə şöbəsinin müdiri Ramiz Poluxov: "Bağırsaqları çirkləndiyinə görə vəziyyəti agır olduğu 2 saat ərzində neontoloqlar körpəni hazırladılar. Sonra əməliyyat olundu, orqanlar qarın boşluğuna qaytarıldı defekti bərpa etdik". Neontologiya şöbəsinin müdiri Səadət Yaqubova deyir ki, əməliyyatdan sonra körpə neontoloqiya şöbəsinə köçürülüb: "Hazırda körpənin vəziyyəti sabitdir. Onun qidalanması tez bir zamanda bərpa olunub və əməliyyatdan 11 gün sonra ana ilə körpə evə buraxılıb".