葫蘆會 - 一定要做善事 скачать в хорошем качестве

葫蘆會 - 一定要做善事

歌詞/ 林奕碩 陳勁廷 顏伯聖 編曲/ 林奕碩 顏伯聖 【一定愛做善事】 【it-tīng ài tsò siān-sū】 逐工拚甲遮辛苦 ta̍k-kang piànn kah tsiah sin-khóo 做牛做馬我啥物攏共你應好 tsò gû tsò bé guá siánn-meh lóng kā lí ìn hó 襪仔破就共紩、就共補 be̍h-á phuà tō kā thīnn、tō kā póo 啥物錢攏開袂落 siánn-meh tsînn lóng khai buē lo̍h 啥物穡我嘛攏做 siánn-meh sit guá mā lóng tsò 大學畢業擱讀研究所 tāi-ha̍k pit-gia̍p koh tha̍k gián-kiù-sóo 結果你干焦予恁爸萬捅箍 kiat-kó lí kan-na hōo mē bān thóng khoo 擱嫌我囉哩囉唆 koh hiâm guá lo-li-lo-so 嫌我做穡潦草、講阮是漚古 hiâm guá tsò sit ló-tshó、kóng gún sī àu-kóo 譀古！敲電話予總統 hàm-kóo！khà tiān-uē hōo tsóng-thóng 伊煞共恁爸講：你愛家己去揣你的頭家講 i suah kā lín-pē kóng：lí ài ka-kī khì tshē lí ê thâu-ke kóng 啊煞毋知影我愛家己去揣阮頭家講 ah suah m̄ tsai-iánn guá ài ka-kī khì tshē gún thâu-ke kóng （哭枵！加講的啦！） （khàu-iau！ke-kóng ê lah！） 看破規氣頭路辭掉綴阮阿叔來去 khuànn-phuà kui-khì thâu-lōo sî-tiāu tè gún a-tsik lâi-khì 做善事／另工你嘛招恁朋友鬥陣 tsò siān-sū／līng-kang lí mā tsio lín pîng-iú tàu-tīn 做善事／阮五嬸四姨三叔擱有 tsò siān-sū／gún gōo-tsím sì-î sann-tsik koh ū 阮大舅／逐禮拜逐家攏嘛有咧 gún tuā-kū／ta̍k lé-pài ta̍k-ke lóng mā ū leh 做善事／按呢你敢聽有？ tsò siān-sū／án-ne lí kám thiann ū？ 阮阿叔有氣魄，捐一億條蠟燭 gún a-tsik ū khì-phik，kuan tsi̍t-ik tiâu la̍h-tsik 有能力肯付出、值得逐家學習 ū lîng-li̍k khíng hù-tshut、ta̍t-tit ta̍k-ke ha̍k-si̍p 值得得著逐家肯定、得著光榮 ta̍t-tit tit-tio̍h ta̍k-ke khún-tīng、tit-tio̍h kong-îng 你就相伨 lí tō sio-thīn 你若有閒，明仔載你就做伙佮阮 lí ná ū-îng，mîn-á-tsài lí tō tsò-hué kah gún 做善事／另工你嘛招恁朋友鬥陣 tsò siān-sū／līng-kang lí mā tsio lín pîng-iú tàu-tīn 做善事／阮五嬸四姨三叔擱有 tsò siān-sū／gún gōo-tsím sì-î sann-tsik koh ū 阮大舅／逐禮拜逐家攏嘛有咧 gún tuā-kū／ta̍k lé-pài ta̍k-ke lóng mā ū leh 做善事 tsò siān-sū ［若是後世欲好額、欲有錢］ ［ná sī āu-sì beh hó-gia̍h、beh ū tsînn］ ［綴阮阿叔，來去做好事、來去做功德］ ［tè gún a-tsik，lâi-khì tsuè hó-sū、lâi-khì tsuè kong-tik］ （恁爸無愛耍龐克啊！） （lín-pē buaih sńg phang-kuh a！） （來耍T-Rap、TRAP！） （lâi sńg T-Rap、TRAP！） 二十幾歲的我干焦國中畢業 lī-tsa̍p kuí huè ê guá kan-na kok-tiong pit-gia̍p 無頭路無薪水我嘛毋捌搶劫 bô thâu-lōo bô sin-suí guá mā m̄ bat tshiúnn-kiap 只不過國民年金佮健保嘛愛照納 tsí-put-kò kok-bîn nî-kim kah kiān-pó mā ài tsiàu la̍p 按呢爸母晟養恩情毋知底時才通報答 án-ne pē-bú tshiânn-ióng un-tsîng m̄ tsai tī-sî tsiah thang pò-tap 廢人／日子罔過、頭路罔揣 huì-lîn／ li̍t-tsí bóng kuè、thâu-lōo bóng tshuē 罪人／酒愈啉頭愈眩 tsuē-lîn／ tsiú lú lim thâu lú hîn 聽講高雄大趁錢（正假？） thiann-kóng ko-hiông tuā thàn-tsînn（tsiann-ké？） 台中攏欶好空氣（有影無？） tâi-tiong lóng suh hó khong-khì（ū-iánn bô？） 遮的人的話若會聽得，狗屎嘛會食這得 tsiah ē lâng ē uē ná ē thiann tsit，káu-sái mā ē tsia̍h tsit 亻因講咱是中國人 in kóng lán sī tiong-kok-lâng 姦！胡蠅舞屎桮 kàn！hôo-sîn bú sái-pue 我擱無細膩去駛著恁阿娘擱有恁阿爹 guá koh bô suè-lī khì sái tio̍h lín-a-niâ koh ū lín-a-tia 哼，你若是橐袋仔有錢 hngh，lí ná sī lak-tē-á ū tsînn 啊看有幾圓就借我幾圓 a khuànn ū kuí înn tō tsioh guá kuí înn （啊沒啦，你共我借錢欲創啥？） （a-bô-lah，lí kā guá tsioh-tsînn beh tshòng siánn？） 哼，共你借錢我欲來去 hngh，kā lí tsioh-tsînn guá beh lâi-khì 做善事／另工你嘛招恁朋友鬥陣 tsò siān-sū／līng-kang lí mā tsio lín pîng-iú tàu-tīn 做善事／阮五嬸四姨三叔擱有 tsò siān-sū／gún gōo-tsím sì-î sann-tsik koh ū 阮大舅／逐禮拜逐家攏嘛有咧 gún tuā-kū／ta̍k lé-pài ta̍k-ke lóng mā ū leh 做善事／阿公阿媽𤆬𤆬來去 tsò siān-sū／a-kong a-má tshuā tshuā lâi-khì 做善事／另工你嘛招恁朋友鬥陣 tsò siān-sū／līng-kang lí mā tsio lín pîng-iú tàu-tīn 做善事／阮五嬸四姨三叔擱有 tsò siān-sū／gún gōo-tsím sì-î sann-tsik koh ū 阮大舅／逐禮拜逐家攏嘛有咧 gún tuā-kū／ta̍k lé-pài ta̍k-ke lóng mā ū leh 做善事／一定愛做善事 tsò siān-sū／it-tīng ài tsò siān-sū