FIRE PREVENTION MONTH 2026, GILUSAD SA OZAMIZ CITY FIRE STATION скачать в хорошем качестве

FIRE PREVENTION MONTH 2026, GILUSAD SA OZAMIZ CITY FIRE STATION

OPISYAL NANG GISUGDAN SA BUREAU OF FIRE PROTECTION OZAMIZ ANG USA KA BULAN NGA SERYE SA MGA AKTIBIDAD ALAYON SA PAG-OBSERBAR SA FIRE PREVENTION MONTH 2026. TIPIK UG BAHIN SA KICK-OFF O SEREMONYA SA PAGSUGOD SA MGA AKTIBIDAD MAO ANG PAG-HOST SA FLAG RAISING CEREMONY SA OZAMIZ CITY HALL UG MOTORKADA LIBOT SA SENTRONG BAHIN SA SIYUDAD MARSO DOS. ANG KICK-OFF SA USA KA BULAN NGA AKTIBIDAD SA OZAMIZ CITY FIRE STATION, GIABAGAN USAB KINI SA MGA FIRE VOLUNTEER SA OZAMIZ CITY LABINA SA SECTOR SA MGANEGOSYANTE SA OZAMIZ UG ANG ASENSO OZAMIZ ADMINISTRATION ILALOM SA LIDERATO NI MAYOR SAM NORMAN G. FUENTES. MATUD PA NI OZAMIZ CITY FIRE MARSHALL-FIRE CHIEF INSPECTOR LLYOD M. VILLAROYA NGA WALAY PAGLUBAD ANG ILANG PAGPAHINUMDUM SA PUBLIKO NGA KANUNAY’NG MAG-AMPING UG MAGBINANTAYON SA PAGGAMIT OG KALAYO. APAN MAS GIHATAGAN SA AHENSYA OG DAKONG PAGTAGAD ANG BULAN SA MARSO GUMIKAN KAY NIINING BULANA ANG PINAKATAAS OG TALAAN SA MGA INSIDENTE SA SUNOG SA TIBUOK NASUD GUMIKAN SA TAAS NGA TEMPERATURA. WALA USAB KALIMTI SA CITY FIRE MARSHALL ANG PAGPASALAMAT SA ASENSO OZAMIZ ADMINISTRATION GUMIKAN SA MAPADAYUNONG SUPORTA SA OZAMIZ CITY FIRE STATION SA BISAN UNSANG TABANG LABINA SA LOHESTIKA UG PASILIDAD. ANG PLANO SA PAGPAHIMOTANG OG FIRE SUB-STATION NING SIYUDAD, NAHATAGAN NA KINI OG KATUMANAN PINAAGI SA PAG-INSTALL OG SUB-STATION SA GANGO UG AGUADA ARON SA TUYO NGA MAS MAPADALI ANG PAGRESPONDE KUN’ ADUNAY HULGA SA SUNOG.