நெல்லை அண்ணா மைதானத்தில் 5 மாவட்ட ஐடிஐ மாணவர்களுக்கான மண்டல விளையாட்டுப் போட்டிகள்: скачать в хорошем качестве

நெல்லை அண்ணா மைதானத்தில் 5 மாவட்ட ஐடிஐ மாணவர்களுக்கான மண்டல விளையாட்டுப் போட்டிகள்:

நெல்லை அண்ணா மைதானத்தில் 5 மாவட்ட ஐடிஐ மாணவர்களுக்கான மண்டல விளையாட்டுப் போட்டிகள்: கலெக்டர் சுகுமார் துவக்கி வைத்தார்! மண்டல பயிற்சி இணை இயக்குனர் திருமதி கற்பகம் முன்னிலை வகித்தார் *திருநெல்வேலி, பிப். 24:* நெல்லை மண்டல அளவிலான அரசு மற்றும் தனியார் தொழிற்பயிற்சி நிலைய (ITI) மாணவ, மாணவிகளுக்கிடையிலான 2025-2026-ம் ஆண்டிற்கான மண்டல விளையாட்டுப் போட்டிகள், பாளையங்கோட்டை அண்ணா விளையாட்டு அரங்கில் இன்று (24-02-2026) கோலாகலமாகத் தொடங்கியது. *5 மாவட்ட மாணவர்கள் பங்கேற்பு:* இந்த விளையாட்டுப் போட்டிகளில் திருநெல்வேலி மண்டலத்தைச் சார்ந்த திருநெல்வேலி, தென்காசி, விருதுநகர், தூத்துக்குடி மற்றும் கன்னியாகுமரி ஆகிய 5 மாவட்டங்களைச் சேர்ந்த அரசு மற்றும் தனியார் தொழிற்பயிற்சி நிலையங்களில் பயின்று வரும் சுமார் 400-க்கும் மேற்பட்ட மாணவ, மாணவிகள் (பயிற்சியாளர்கள்) மிகுந்த உற்சாகத்துடன் கலந்து கொண்டுள்ளனர். *தொடக்க விழா:* இன்று காலை 9.00 மணியளவில் நடைபெற்ற தொடக்க விழாவிற்கு திருநெல்வேலி மாவட்ட ஆட்சித்தலைவர் **திரு. இரா. சுகுமார், இ.ஆ.ப.**, அவர்கள் தலைமை தாங்கினார். அவர் தேசியக் கொடியினை ஏற்றி வைத்து, விளையாட்டு வீரர்களின் அணிவகுப்பு மரியாதையினை ஏற்றுக் கொண்டார். பின்னர், விளையாட்டுப் போட்டிகளின் அடையாளமான ஒலிம்பிக் ஜோதியினை ஏற்றி வைத்து, போட்டிகளை அதிகாரப்பூர்வமாகத் துவக்கி வைத்தார். மண்டல பயிற்சி இணை இயக்குனர் திருமதி கற்பகம் முன்னிலை வகித்தார் தொடர்ந்து விழாவில் பேசிய மாவட்ட ஆட்சியர், மாணவர்கள் தொழில்நுட்பக் கல்வியில் சிறந்து விளங்குவதோடு மட்டுமல்லாமல், தங்களது உடல் நலனைப் பேணவும், மன வலிமை பெறவும் விளையாட்டுப் போட்டிகளில் ஆர்வத்துடன் ஈடுபட வேண்டும் என்று அறிவுறுத்தினார். *பரிசு வழங்கல்:* நாள் முழுவதும் பல்வேறு தடகளப் போட்டிகள் மற்றும் குழு விளையாட்டுப் போட்டிகள் விறுவிறுப்பாக நடைபெற்று வருகின்றன. இப்போட்டிகளில் வெற்றி பெறும் வீரர்களுக்கு இன்று மாலை நடைபெறவுள்ள நிறைவு விழாவில், திருநெல்வேலி மாவட்ட காவல்துறை கண்காணிப்பாளர் **Dr. V. பிரசண்ண குமார், இ.கா.ப.**, அவர்கள் சிறப்பு விருந்தினராகக் கலந்து கொண்டு, வெற்றி பெற்றவர்களுக்குப் பரிசுப் பொருட்கள் மற்றும் சான்றிதழ்களை வழங்கி கௌரவிக்க உள்ளார். இந்த மண்டல அளவிலான போட்டிகளில் வெற்றி பெறும் மாணவர்கள், அடுத்த கட்டமாக மாநில அளவிலான போட்டிகளில் பங்கேற்கத் தகுதி பெறுவார்கள் என்பது குறிப்பிடத்தக்கது. #Tirunelveli #ITISportsMeet #AnnaStadium #NellaiNews #Tenkasi #Virudhunagar #Thoothukudi #Kanyakumari #DistrictCollector #SPNellai #SportsNews #TamilNaduGovernment