男燒衣~區君祥 скачать в хорошем качестве

男燒衣~區君祥

聞得話,妹你死咯，唉我實在見悲傷，妹呀為因何事，攪到自縊懸樑，人話你死咯，我尚屬思疑，我唔信佢哋講嘅，今日你果然真係死左咯,教我怎不悲傷， 唔望與嬌彈共唱,唔望燈前月下結一段緣航,任得天上跌一個落黎唔慌我會仲想,愁萬丈,不若租隻小舟將水綠放,等你早登仙界直上慈航. 忙解纜，出到江濱，只見江楓漁火照愁人，各物擺齊兼果品，願妹你前來鑒我誠深，燒頁紙錢珠淚惡忍,三杯薄酒奠妹孤魂. 燒到童男童女你相親近，吩咐眾人洗抹要聽佢酌斟，大串(能)鎖匙交過你守緊,切莫頑皮激著主人. 燒到胭脂和水粉，又有刨花兼軟文，揀妝一個照妹孤魂。 燒到芽欄帶，與共個對繡花鞋，可恨當初唔好早日帶妹埋街，免使你在青樓多苦捱，咁好沉香當爛柴。 呢條芽欄帶，小生親手買，可惜對花鞋重繡得咁佳。記得八月中秋同把月拜，重話二人衾枕永和諧,點想你別時心似古怪,隨知錯意把妹你命來哂,愈思愈想心痛壞,珠淚流唔哂，妹呀夢中魂魄共我講幾句情懷。 燒到被鋪蚊帳，系出自杭州，重有香珠一串十子搭在妹襟頭， 燒到煙槍煙托雷州斗，又來燒到煙屎鉤,局沙一盞光明透，但凡燈暗你自己添油，呢盒公煙原本系舊，清香翳膩可以解得煩憂，你清閒無事捻來燂返幾口，不妨陰府自己綢繆。 物件咁多燒來交過你手，記緊關防門戶莫畀人偷，妹你生前所用般般都有,今日把火墳燒在水面浮,我再酌酒，奠妹你粧台，願妹你前來鑒領我一杯，飲過此杯離苦海，早登仙界直上蓬萊。 又到艇嫂上前同君抹眼淚，叫聲(白：大相呀)你切莫咁悲哀，且得多情愁無多情配咩,奴奴情願共你為媒，你既有真心寧守耐，我找尋一個重靚過花魁，人話男子心腸多變改,我見君情義的確少人陪，你睇蠟燭替君流血淚，半天仙鶴渡郎追，你不如忍淚埋街去，免令今夜自己癡呆. 忙轉艇，快如雲，雙槳齊搖水面奔，海闊風狂要坐穩，共你講幾句事聞，(呢我地隔離)有個叫做逢人忍，佢真好品,腳又細時滿手指針，年方二八又知書禮呀，詩辭歌賦樣樣皆能。 舊時有位少爺話要同佢上岸,佢要揀多情人仔至兩相登，呢我問聲亞大相 可否真情允,真正妙甚,我把鵲橋高架起，等你直上浮雲。http://victoryeung710.blogspot.hk/201... http://naamyam.tsuenhead.org/