எத்தனை அபிஷேகம் எங்கள் முருகனுக்கு பாடல் скачать в хорошем качестве

எத்தனை அபிஷேகம் எங்கள் முருகனுக்கு பாடல்

எத்தனை அபிஷேகம், எத்தனை அபிஷேகம் எங்கள் முருகனுக்கு, சூரனை வென்ற சண்முக வேலுக்கு எத்தனை அபிஷேகம். பச்சைமயில் வாகனன், பன்னிருகை வேலனுக்கு எத்தனை அபிஷேகம். பச்சிளங் குழந்தைக்கு, பாலென்றும் கிடைத்திட, பால் கொண்டு அபிஷேகம். கள்ளழகர் மருகன் , உள்ளங்கவர் கள்வனுக்கு எத்தனை அபிஷேகம். கணவனும் மனைவியும் இணைந்தே வாழ்ந்திட, தயிர்கொண்டு அபிஷேகம். இளமங்கை வள்ளிதனை கைபிடித்த விருத்தனுக்கு எத்தனை அபிஷேகம். இளையதலை முறையின் பழமொழி பொய்த்திட இளநீர் அபிஷேகம். மாம்பழம் வேண்டி மலைதனில் நின்றவனுக்கு எத்தனை அபிஷேகம். மழைத்துளி விழுந்து மண்ணும் குளிர்ந்திட பன்னீர் அபிஷேகம். தேவமகள் யானைதனை கைபிடித்த வீரனுக்கு எத்தனை அபிஷேகம். தஞ்சமடைந்தவர் பஞ்சம் தீர்த்திட பஞ்சாமிர்த அபிஷேகம். சந்தங்கள் பாட சதிராடும் சாமிக்கு எத்தனை அபிஷேகம். சந்ததிகள் வந்திட சந்தானம் பெற்றிட சந்தன அபிஷேகம். உலகமெல்லாம் ஆளும் உத்தமச் செல்வனுக்கு எத்தனை அபிஷேகம், உள்ளும் புறமும் பிணிகள் நீங்கிட திருநீர் அபிஷேகம்.