Жәутік ұрпақтарының ғасырлық табысу дастарханы. скачать в хорошем качестве

Жәутік ұрпақтарының ғасырлық табысу дастарханы.

2025 жылдың 13-желтоқсаны Жәутік баба ұрпақтары үшін ерекше тарихи бас қосу болды. Өткен ғасырдың 20-шы жылдарындағы конфискациядан басталған нәубет 30-шы жылдардағы қолдан жасалған аштыққа жалғасты. Шамасы келгендері шекара асып жан сауғаласа, қалғандары аштыққа ұшырап, халқымыздың үштен екісі қырылып кеткені белгілі. Оның соңы зиялы қауымға келген репрессияға ұласып, қарапайым ауыл мұғалімінен мемлекет қайраткерлеріне дейін атылып кеткені де тарихи шындық. Мұның соңы 20 млн (кейінгі тарихшылар 60 млн деп тауыпты) құрбандықпен аяқталған Кеңес-Герман соғысымен де бітпеді. Соғыстан соң да тұтқында болған жауынгерлерді, т.б. қазақтарды түрлі сылтаулармен Сібірге, Қиыр шығысқа 10-20-25 жылға үкім шығарып, жер аударумен жалғасып жатты. ХХ ғасырдың жартысына созылған бұл қаралы кезең Сталин өлген соң ғана, "Жеке басқа табынушылық" деп танылып, 1953-ші жылдан соң тарыдай шашылып кеткен халық елге, шаңырақтарына орала бастады. Бас басымен, тұрымтай тұсымен бас сауғалап кеткен ағайындар есін жиып, 1960-шы жылдары бірін-бірі іздей бастайды. Осы айтылған жағдайдың барлығы Жәутік әулетінің басынан да өтіп, Жәутіктің үш ұлынан тараған ұрпақтың екеуі өткен ғасырдың 60-шы жылдары табысып, қауышқан екен. Ал үшінші ұл - Медет бабамыздың ұрпағы сонан адасып, хабарсыз кеткен. Міне, осы үшінші ұлдың ұрпақтарының дерегі 2025 жылдың соңғы айларында шығып, желтоқсанның 13 күні, яғни бір ғасырдан кейінгі табылған ағайындармен табысу дастарханы жайылып, басымыз қосылды. Ашаршылық қармағынан құтыла алмаған бауырларымыз бен соғыста шейіт болған боздақтарымыздан бастап, күні бүгінге дейін өмірден өткен жақындарымызға арнап құран бағыштадық.