“MUALLIM SONIY” MUALLIFI AHMAD HODIY MAQSUDIY RAHIMAHULLOH QABRI скачать в хорошем качестве

“MUALLIM SONIY” MUALLIFI AHMAD HODIY MAQSUDIY RAHIMAHULLOH QABRI

“MUALLIM SONIY” MUALLIFI AHMAD HODIY MAQSUDIY RAHIMAHULLOH QABRI ✅ “Biladiganlar bilan bilmaydiganlar teng bo’larmidi?!” (“Zumar” surasi, 9-oyat). ✅ Ushbu oyatda olimlarning darajasi yaqqol ko’rsatib berilgan. ✅ Rasululloh sollallohu alayhi vasallam ham olimlarni qadrlash Islom dinining asosiy xususiyatlaridan ekanini ta’kidlab, shunday deganlar: 👉 “Kattamizni hurmat qilmagan, kichigimizga rahm qilmagan va olimimizning haqini bilmagan Mening ummatimdan emas” (Ahmad va Tabaroniy rahimahullohlar rivoyati). ✅ Ulamolar favotidan so’ng ularning qabrini ziyorat qilish va ular haqiga duoi xayr qilish ham – ularning haqiga rioya qilish demakdir. 🤲 Alloh taolo Ahmad Hodiy Maqsudiy rahimahullohning yotgan maskanini qoldirgan sadaqai joriyalarining ajri bilan munavvar qilsin! Ma’lumot uchun: Ahmad Hodiy Maqsudiy rahimahulloh (1868-1941) mubolagʻasiz, 20-asrning birinchi choragida eng mashhur turkiy maʼrifatchilaridan biri, deb atalishi mumkin. Sermahsul hayoti davomida u hayotning turli sohalari: jamoatchilik, siyosat, nashriyotchilik va boshqalarda oʻzini koʻrsata oldi. Lekin uning hayotida eng muhim soha tilshunoslik edi. U aynan tatar yozuvini, shu bilan birga boshqa turkiy xalqlar yozuvini takomillashtirish borasidagi ishlari tufayli katta hurmat va shuhrat qozona olgan. U, shuningdek, tan olingan poliglot boʻlib, oltita tilni: tatar, turk, arab, fors, rus va fransuz tillarini mukammal bilardi. Ahmad Hodiy Maqsudiy rahimahulloh 1868-yil 28-sentyabrda Qozon guberniyasi Qozon uyezdi Tashsu qishlogʻida (hozirda Tatariston Respublikasi Visokogorskiy rayoni) mulla Nizomiddin oilasida tavallud topgan. Bu oilada tatar xalqining ikki buyuk oʻgʻloni — Ahmad Hodiy (Hodiy) va Sadriddin (Sadri) Maqsudiy tarbiya topgan. Ahmad Hodiy Maqsudiy rahimahulloh dastlab otasining Tashsu qishlogʻidagi madrasasida savod chiqara boshladi. Shundan keyin 1881-yil Qozonga kelib, Apanayev masjididagi mashhur "Qosimiya" madrasasiga oʻqishga kirdi. Oʻqishni 1890-yilda tugatib, Ahmad Hodiy Maqsudiy shu yerning oʻzida qoldi va ikki yil davomida boshlangʻich sinf oʻquvchilariga dars berdi. Qozondagi hayot unga rus va Yevropa maorifi bilan tanishish imkonini berdi. Ahmad Hodiy Maqsudiy oʻsha paytlar dunyoda roʻy berayotgan ilmiy va iqtisodiy oʻzgarishlardan ancha ortda qolgan musulmonlar taʼlim tizimining qoloqligi haqida oʻylana boshladi. Oʻqitishning eski usullari samarasizligini, jumladan tatar arab yozuvini (“iske imlә” – eski yozuv) isloh qilish zarurligini amalda koʻrishga muvaffaq boʻlgan. Shunday qilib, Ahmad Hodiy Maqsudiy rahimahulloh 1892-yil oʻzining afsonaviy kitobi — “MUALLIMI AVVAL” (“Birinchi muallim”) kitobini bosib chiqardi. Gap shundaki, oʻsha paytlar tatarlar qoʻllangan arab alifbosidagi unli harflarni yozuvda toʻliq aks ettirishga imkon bermasdi. Bu koʻpincha soʻzlarni toʻgʻri oʻqishni kiyinlashtirardi. Oʻqish va yozish qulay boʻlishi uchun “MUALLIMI AVVAL avval” darsligida Ahmad Hodiy Maqsudiy rahimahulloh mavjud alifboga birinchi bor ayrim unli tovushlarni (o, ө, ә) anglatadigan qoʻshimcha harflar kiritdi. Bu kitob shu qadar ommalashdiki, 1892-yildan 1918-yilgacha 32-marta qayta nashr qilingan, kitobning umumiy adadi esa 1 million nusxadan ortiqni tashkil qilgan. Oradan maʼlum vaqt oʻtgach, Ahmad Hodiy Maqsudiy rahimahulloh alifbo kitobining davomini — “MUALLIMI SONIY” (“Ikkinchi muallim”) kitobini chop etib, unda arab tilida oʻqish va yozishni oʻrgatadi. Ikkala darslik nafaqat tatarlar, balki qozoqlar, oʻzbeklar, qirgʻizlar va boshqurtlar orasida keng tarqaldi. O‘lkamizda faoliyat yuritayotgan din arboblari, diniy bilim yurtlarida ta’lim olayotgan talabalar va Qur’on o‘qishdan xabari bor mo‘min-musulmonlar ilk saboqni “MUALLIMI SONIY” hamda “IBODATI ISLOMIYA” kitoblaridan olganlari hech kimga sir emas. Ahmad Hodiy Maqsudiy rahimahulloh tomonidan yozilgan mazkur kitob deyarli bir asrdan buyon Qur’on ta’limining ilk bosqichi sifatida yurtimiz musulmonlariga ko‘makchi bo‘lib kelmoqda. Ushbu kitobning bu qadar yuksak ehtiromga sazovor bo‘lishi muallif Ahmad Hodiy Maqsudiy rahimahullohning niyati xolisligiga bog‘liq, albatta. Shayx Alijon qori hamda AlQuran.uz jamoasi tomonidan sahifalarimizga joylashtirilgan materiallarga har xil o'zgarishlar kiritib tarqatish va tijoriy maqsadlarda foydalanish qat'iyan taqiqlanadi, shar'an harom hisoblanadi.