Azərbaycanın Ərazisinə Görə ƏN BÖYÜK 10 RAYONU - Kəlbəcər Niyə 3-cü Oldu? скачать в хорошем качестве

Azərbaycanın Ərazisinə Görə ƏN BÖYÜK 10 RAYONU - Kəlbəcər Niyə 3-cü Oldu?

#azerbaycan #rayon #kəlbəcər Vətən müharibəsindən sonra Azərbaycanda ərazilərin inzibati-ərazi quruluşunda dəyişikliklər edilib. Yeni rayon yaradıldı. Artıq Azərbaycanın ərazisinə görə ən böyük rayonu Kəlbəcər deyil. Hətta Kəlbəcər rayonu artıq ikinci yerdə belə qərarlaşmır. Yeniliklərdən sonra bəs sıralama necə oldu? Yerin qulağı yutub kanalı ölkəmizin ərazisinə görə ən böyük 10 rayonunu təqdim edir: 10. Goranboy rayonu - ərazisi 1 790 kvadrat kilometrdir. Əhalisi 109.695 nəfər təşkil edir. Mərkəzi Goranboy şəhəridir. Goranboy rayonu ilə Bakı şəhəri arasındakı məsafə 317 kilometrdir. Rayonda 2 şəhər, 7 qəsəbə, 79 kənd var. 9.Ağcabədi rayonu - ərazisi 1760 kvadrat kilometrdir. Əhalisi 135 500 nəfər təşkil edir. 1 şəhər, 1 qəsəbə və 44 kənddən ibarətdir. 8. Laçın rayonu - Ərazisi 1835 kvadrat kilometr. Əhalisi 80.163 nəfər təşkil edir. Hər il 26 Avqust Laçın şəhəri günü kimi qeyd olunur. Rayon bir şəhər, bir qəsəbə, 125 kənddən ibarətdir. 7.İmişli rayonu - ərazisi 1890 kvadrat kilometrdir. Əhalisi 158 682 nəfər təşkil edir. İmişli rayonunun ərazisi Kür–Araz ovalığına aid Mil–Muğan düzündədir. Bakı şəhərindən 250 km məsafədə yerləşir.48 kənd, 2 qəsəbə və 1 şəhərdən ibarətdir. 6.Tovuz rayonu - ərazisi 1942 kvadrat kilometrdir. Əhalisi 175 500 nəfər təşkil edir. Bakı-Qazax magistralının 430 km də yerləşir. 5.Abşeron rayonu - ərazisi 1966 kvadrat kilometrdir. Əhalisi 491 316 nəfər təşkil edir. Rayon ərazisində 1 şəhər (Xırdalan) 8 qəsəbə (Ceyranbatan, Saray, Mehdiabad, Nübar, Digah, Qobu, Güzdək, Hökməli, Aşağı Güzdək) 6 kənd (Masazır, Fatmayı, Məmmədli, Görədil, Pirəkəşkül və Novxanı) var. 4.İsmayıllı rayonu - ərazisi 2064 kvadrat kilometrdir. İnzibati mərkəzi İsmayıllı şəhəridir. Tərkibinə 1 şəhər, 2 şəhər tipli qəsəbə (Lahıc, Basqal) və 106 kənd daxildir. Əhalisi 87 867 nəfər təşkil edir. 3.Kəlbəcər rayonu - 2314 kvadrat kilometr, əhalisi 93 100 nəfər təşkil edir. Artıq Kəlbəcər ərazisinə görə ən böyük rayonumuz deyil . Niyə ərazisinə görə 3-cü ən böyük rayon oldu? 1992-ci ildə ləğv edilən Ağdərə rayonunun yenidən bərpa edilib. Ağdam, Kəlbəcər və Tərtər rayonlarının inzibati ərazi bölgüsündə qismən dəyişikliklər edilərək mərkəzi Ağdərə şəhəri olmaqla inzibati sərhədlər daxilində 5 dekabr 2023-cü ildə Ağdərə rayonu yaradılıb. Ərazisi 1 660 kvadrat kilometrdir. Əhalisi 12 100 nəfər təşkil edir. Yeni qanunla Kəlbəcər rayonunun ərazisindən 735, Tərtər rayonundan 851, Ağdam rayonundan 73 kvadrat kilometr ərazi Ağdərə rayonunun inzibati ərazisinə verilib. Bundan sonra Kəlbəcər rayonunun ərzisi 2314 kvadrat kilometr olub və Azərbaycanın ən böyük rayonu statusunu itirib. 2. Şəki rayonu - ərazisi 2432 kvadrat kilometr. Əhalisi 187 031 nəfər təşkil edir. 1 şəhər, 2 qəsəbə, 68 kəndi var. 1. Quba rayonu - ərazisi 2610 kvadrat kilometrdir. Quba artıq Azərbaycanın ərazisinə görə ən böyük rayonudur. Əhalisi 169 094 nəfər təşkil edir. Rayonda 1 şəhər, 7 qəsəbə və 149 kənd var. Quba rayonu Azərbaycanın ən çox inkişaf etmiş kənd təsərrüfatı rayonlarından biridir.