1/64 LCD McLaren Senna GTR (under natural light) скачать в хорошем качестве

1/64 LCD McLaren Senna GTR (under natural light)

個人鐘意淨色車, 就唔鐘意拉花車, 但都有例外, 就係拉花拉得靚時就會買, 本頻道到目前為止只有 3 架拉花車睇得上眼買左。其實唔鐘意呢架車既model, 但佢拉花尤其啲成架車大範圍多部位既碳纖真係吸引到唔買唔得, 風刀都做埋更幼既碳纖, LCD 係未癲咖, 但LCD 又真係做得好靚。真車既藍色係金屬藍或深藍，同呢架好唔同，唔知係未LCD覺得用呢隻天藍會更靚，個人覺得天藍係靚，買呢架車最主要係鐘意呢隻藍色, 反而佢用金屬藍同深藍我就唔會買了。 呢架本應係3星期前買既, 只係係香港油麻地現時點商場係廚窗睇中左架QC靚既, 港幣195, 但無即刻買, 諗住返轉頭先買, 結果又一次出事, 無諗過行多兩間舖睇完回頭去買只係十分鐘左右就比人買左架車, 真係第二次教訓, 記得第一次教訓係Tarmac SuperNine RWB993, 搞到至今我都仍未買到, 唉。但我再買呢架車時巳經係港幣250, 見佢QC有返咁上下就算了。跟住再見架車升到 hkd298, 到3月18日升到 hkd368。3月22日就見架紅色出, 先前睇相以為橙色, 開價HKD225, 3月25日再睇跌落原價HKD195, 其實紅色無藍色咁靚, 買左藍既應該無咩邊個再買紅呀, 紅色需求點都應該少過藍色。 呢架車既藍色好靚好鐘意, 嚟緊會出部橙色, 但覺得無咁靚, 佢最靚係架車原本應該係黑色既位置做晒碳纖, 佢啲碳纖真係超靚, 勁反光, 黑灰線條夠幼細, 而灰線條仲造左金粉既層次感, 質感好強烈, LCD 既碳纖真係做得超出色, 而ignition model 既碳纖就係見過咁多碳纖造得最差既, 只要望下本頻道既 ignition model R34 既碳纖車頭蓋同碳纖尾翼就知, 高下立見。 QC 而言, 返屋企第一時間睇架車能否轆, 結果係失望既, 後轆好順無問題, 但前轆又卡住, 鬆開底板螺絲都搞唔掂, 最後想羅塊底板羅唔到, 有啲野係前面卡住, 唔敢郁佢驚整爛, 但原來無羅出底板, 只係分離少少都巳經甩左啲藍色車漆出嚟, 就係甩車前面既凹位, 藍色油係銀色上面, 但應油得唔係咁實, chok 底板係會chok 甩啲藍油, 呈一塊小三角形咁甩左出嚟, 好彩係唔係咁睇到, 咁就唔搞佢, 只有留係架車身邊, 最後個轆可以搞掂, 原來大力扭入螺絲令底板同車身更貼可以令轆轆到, 當然唔係咁順, 好過無, 所以建議無立亂拆車, 小心甩coat。另外, 呢架車買時主要睇佢前面車頭蓋中間最尖端既藍色角位係未夠置中, 有啲係痴斜左去一面, 咁兩側散出嚟既圖案就無咁對稱, 而呢架都有少少斜左, 就唔算嚴重, 見佢其他拉花位都無咩問題又幾準下就收貨, 一架咁多拉花既車check QC 真係眼都花, 好多位要睇, 好似啲反光碳纖近尾翼部份就見到係有好多膠水跡, 咁會令到個尾翼瓦晒無咩光澤, 見到咁時當然唔會買, 但就算點check QC, 都唔會check 到另一邊, 因為睇唔到, 咁呢架又出事, 就係佢把風力, 係架車右邊既, 睇唔到果邊, 係痴得唔靚, 角度痴平左, 咁就做唔到最靚既間距, 而亦突出唔到風刀下既碳纖, 最靚既痴法係架車左邊, 見到既果面, 比對兩邊就會知, 所以明白ignition model 點解咁樣做風刀, 上下連埋, 先前係rx-7時巳經批評過, 咁佢間距就一定無問題但唔好睇。