عبدالله بن زويبن - سمعت لي كلمة скачать в хорошем качестве

عبدالله بن زويبن - سمعت لي كلمة

للقراءة : سمعت لي كلمةٍ مدري وش أقصاها حزت بصدري وأنا ماني بهارجها لو كل كلمة ليا جتنا طردناها بعنا الثمينه بسعرٍ ما يخارجها لو مرت السمع ما كنا سمعناها ونقفل الراس عنها لا يبرمجها ومن يم هذا لهذا ما نقلناها والناس واجد وتلقى من يروجها ومن جابها بين خلق الله ووداها لو به مراجل ترى نفسه يسمجها ومن حاسب الناس عن سابق خطاياها يقعد بدارٍ خلا .. ما داج دايجها في جنةٍ تشوي الجربوع رمضاها تابس غصون الشجر من حر واهجها والناس بالحق حتى الشرع ما أرضاها ما ترضي الناس لو إنك تحججها ياللي تبي الطيبه خذها وعطناها خل الطريفه طريه .. لا تثلجها وأضرب دروب الأوادم وامش ممشاها اضرب دروب العرب وادرج مدارجها وارسم لنفسك حدودٍ لا تعداها من حط نفسه بدرب الضيق يحرجها وإن كان نفسك هواها قام ينحاها حط الاعنه بروس الخيل واسرجها وفكر بمنكافها قدام مغزاها وأضرب حساباتها وتشوف ناتجها وكلٍ بعضده يموح الدلو برشاها وتلقى كبود الضوامي من يبرهجها وان كان توك على صدرك تهجاها حنا ترانا ندرس في مناهجها لو هي صعيبه إليا انعاجت عدلناها وإللي تجي مستقيمه ما نعروجها نهتم في وزنها وابرام معناها ومن الكرستال واللولو نتوجها مثل الجواهر إليا منا نظمناها واسلوكها من جديد الزري ننسجها مخايلٍ ترتدم والصدر منشاها ان دك بالبال داكوكٍ يهيجها وإليا أمطرت ضاقت الوديان في ماها تاخذ لي الحول ما يبست مدالجها ان صدت النـاس عنا ما اعترضناها ما تقفي الناس عنا .. وانتولجها وان جاتنا الطيبه بالطيب زدناها الطيبه بالعسل والسمن نمزجها وان جاتنا الثانيه نصبر ونرفاها يمكن ليا فاق راعيها يعالجها وان عادها عودةٍ ما عاد ينساها من حربة في صميم الصدر نولجها مسمومة يبلش الدكتور بدواها ما يقنع الخبل لين انه يلامجها للشاعر / عبدالله بن ويبن - رحمه الله -