శ్రీ శ్రీ శ్రీ వరాహ లక్ష్మీనృసింహ స్వామి వారి గరుడ సేవ скачать в хорошем качестве

శ్రీ శ్రీ శ్రీ వరాహ లక్ష్మీనృసింహ స్వామి వారి గరుడ సేవ

నమో నరసింహ! శ్రీశ్రీశ్రీ వరాహ లక్ష్మీనరసింహస్వామి వారి దేవస్థానం సింహాచలం శ్రీ శ్రీ శ్రీ వరాహ లక్ష్మీనృసింహ స్వామి వారి గరుడ సేవ అత్యంత వైభవంగా సింహాచలం, తేదీ: 6 జనవరి 2026. దేశంలోనే ప్రముఖ పుణ్యక్షేత్రంగా, కోట్లాది భక్తుల ఆరాధనకు నిలయంగా విరాజిల్లుతున్న శ్రీ శ్రీ శ్రీ వరాహ లక్ష్మీనృసింహ స్వామి వారి దేవస్థానం, సింహాచలం నందు అత్యంత భక్తిశ్రద్ధలతో, వైభవోపేతంగా శ్రీ వరాహలక్ష్మీ నృసింహ స్వామి వారి గరుడ సేవ నేత్రపర్వంగా సాగింది. ఆర్జిత సేవలలో భాగంగా నిర్వహించిన ఈ గరుడ సేవ సందర్భంగా, ఆలయ ఉత్సవమూర్తి శ్రీ గోవిందరాజ స్వామివారిని విశేషంగా అలంకరించి, మండపంలో అధిష్టింపజేశారు. అనంతరం పాల్గొన్న భక్తుల గోత్రనామాలతో సంకల్పం నిర్వహించి, పాంచరాత్రాగమ శాస్త్ర విధానానుసారం సంప్రదాయబద్ధంగా కార్యక్రమాన్ని కమనీయంగా జరిపించారు. మంత్రోచ్ఛారణలు, వేదపఠనాల నడుమ నిర్వహించిన ఈ దివ్య సేవలో మంత్రపుష్పం, మంగళాశాసనాలు అత్యంత శ్రద్ధాభక్తులతో సాగాయి. అనంతరం భక్తులకు వేదాశీర్వచనాలు, శేషవస్త్రాలు, అలాగే స్వామివారి ప్రసాదాలను ఆలయ అధికారులు అందజేశారు. గరుడ సేవను దర్శించుకునేందుకు వివిధ ప్రాంతాల నుండి భక్తులు తరలివచ్చి, స్వామివారి కృపకు పాత్రులయ్యారు. ఈ సేవ సందర్భంగా ఆలయ ప్రాంగణం భక్తిశ్రద్ధలతో, ఆధ్యాత్మిక వాతావరణంతో ఉట్టిపడింది. ఈ కార్యక్రమాన్ని ఆలయ సిబ్బంది, అర్చక స్వాములు సమన్వయంతో విజయవంతంగా నిర్వహించారు.