སེམས་ཙམ་པ་དང་དབུ་མ་པའི་སྟོང་ཉིད་འཇོག་ཚུལ། ཐེག་མཆོག་འཁོར་ལོ་བཞི། གནས་བཞི་ཚང་བའི་གཏན་ཚིགས། ༢༠༢༦།༠༢།༠༡ скачать в хорошем качестве

སེམས་ཙམ་པ་དང་དབུ་མ་པའི་སྟོང་ཉིད་འཇོག་ཚུལ། ཐེག་མཆོག་འཁོར་ལོ་བཞི། གནས་བཞི་ཚང་བའི་གཏན་ཚིགས། ༢༠༢༦།༠༢།༠༡

ཉིན་དྲུག་པ། ཚོགས་ཐེངས་དང་པོ། ཕྱི་ལོ། ༢༠༢༦།༠༢།༠༡ བརྗོད་བྱ། སེམས་ཙམ་པ་དང་། དབུ་མ་པའི་སྟོང་ཉིད་འཇོག་ཚུལ། ཐེག་མཆོག་འཁོར་ལོ་བཞི། གནས་བཞི་ཚང་བའི་གཏན་ཚིགས་སོགས། བྱང་ཆུབ་ཀྱི་སེམས་དང་སྟོང་ཉིད་ཀྱི་ཤེས་རབ་ཀྱི་སྒོམ་སྒྲུབ་ཉམས་ལེན་འདི་རྒྱ་གར་གྱི་རྡོ་རྗེ་གདན་དུ་ཡོད་པའི་(Root Institute for Wisdom Culture) སྟེ་གནས་ཁང་དུ་ཕྱི་ལོ་ ༢༠༢༦ ཟླ་ ༡ ཚེས་ ༢༧ ནས་ཕྱི་ཟླ་ ༢ ཚེས་ ༥ བར་འཚོགས་ཡོད། སྒོམ་སྒྲུབ་འདིའི་ནང་འཛམ་གླིང་གི་ས་ཁུལ་འདྲ་མིན་ནས་སློབ་མ་མི་གྲངས་ ༡༣༠ ཙམ་མཉམ་ཞུགས་བྱས་ཏེ་ཐེག་པ་ཆེན་པོའི་ནང་ཆོས་ཀྱི་ཟབ་དོན་ལ་སློབ་སྦྱོང་དང་། བསམ་གཞིགས་བྱས་པ། སྒོམ་ཉམས་སུ་བླངས་ཡོད། སྒོམ་སྒྲུབ་འདི་གཙོ་བོ་བོད་སྐད་ཐོག་ནས་གནང་ཡོད་པ་དང༌། དེ་དང་ཆབས་ཅིག་མི་གྲངས་ ༣༠ ནས་ ༣༥ ཙམ་ལ་ལ་དྭགས་སྐད་ཐོག་དང་། མི་གྲངས་ ༥ ནས་ ༡༠ ཙམ་ལ་དབྱིན་སྐད་ཐོག་ཏུ་དུས་མཚུངས་སུ་སྐད་སྒྱུར་བྱས་ཏེ་སྐད་ཡིག་རྒྱབ་ལྗོངས་མི་འདྲ་བའི་ཉམས་ལེན་པ་ཚོས་ཆོས་དང་ཉམས་ལེན་གྱི་བྱེད་སྒོ་ཁག་ལ་ཆ་ཚང་མཉམ་ཞུགས་བྱེད་ཐུབ་པ་བྱས་ཡོད། སྒོམ་སྒྲུབ་ཀྱི་དུས་ཡུན་ཧྲིལ་པོར་ཉམས་ལེན་པ་ཚོས་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ་རྒྱུའི་བསམ་པ་བྱང་ཆུབ་ཀྱི་སེམས་དང་། ཐེག་པ་ཆེན་པོའི་ཆོས་བརྒྱུད་ནང་གསུངས་པའི་སྟོང་ཉིད་ཀྱི་ཤེས་རབ་ཀྱི་ལྟ་བ་ཟབ་མོ་གོ་རྟོགས་སྤེལ་བའི་ཆེད་དུ་ཆོས་འཆད་ཉན་དང་། བགྲོ་གླེང༌། སྒོམ་ཉམས་ལེན་བཅས་ལ་མཉམ་ཞུགས་བྱས་ཡོད། ཕྱི་ཟླ་ ༡ ཚེས་ ༣༠ ཉིན་མཉམ་ཞུགས་པ་ཚོ་དེ་སངས་རྒྱས་ཤཱཀྱ་ཐུབ་པས་སངས་རྒྱས་སའི་གནས་རྩ་ཆེན་རྡོར་གདན་བྱང་ཆུབ་ཆེན་མོའི་མཆོད་རྟེན་དུ་བསྐྱོད་དེ་ཆོས་ཕྱོགས་ཀྱི་བྱེད་སྒོ་ཁག་དང་། སྐོར་བ་བརྒྱབ་པ། སྟོང་ཉིད་ཀྱི་སྒོམ་བརྒྱབ་པ་བཅས་བྱས་ཡོད། གོ་སྐབས་དེ་བེད་སྤྱད་དེ་ཉམས་ལེན་པ་ཚོས་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ་རྒྱུའི་འདུན་པ་བྱང་ཆུབ་ཀྱི་སེམས་བསྐྱེད་པའི་སྡོམ་པ་བླངས་ཏེ་བྱང་ཆུ་སེམས་ཀྱི་ལམ་ལ་བརྟན་པོར་གནས་རྒྱུའི་དམ་བཅའ་བཞག་ཡོད། ཕྱི་ཟླ་ ༢ ཚེས་ ༢ ཉིན་དེ་བཞིན་ཉམས་ལེན་པ་ཚོས་སྟོང་ཉིད་ཀྱི་ཤེས་རབ་སྙིང་པོ་དང་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པའི་ཆོས་གཞན་མང་པོ་གསུངས་པའི་གནས་མཆོག་བྱ་རྒོད་ཕུང་པོའི་རི་བོར་གནས་མཇལ་དུ་བསྐྱོད་ཡོད། དེ་རྗེས་ཉམས་ལེན་པ་ཚོས་དཔལ་ནཱ་ལནྡཱའི་གཙུག་ལག་སློབ་ཁང་ཆགས་ཤུལ་དུ་བསྐྱོད་ཡོད། དེ་ནི་སྔོན་མ་འཛམ་གླིང་ནང་ནང་ཆོས་སློབ་གཉེར་བྱེད་སའི་ལྟེ་གནས་ཆེ་ཤོས་ཤིག་ཡིན་པ་དང༌། སློབ་གླིང་དེ་ནས་དཔལ་མགོན་འཕགས་པ་ཀླུ་སྒྲུབ་དང་། རྒྱལ་སྲས་ཆེན་པོ་ཞི་བ་ལྷ། སློབ་དཔོན་ཆོས་གྲགས་སོགས་ཀྱི་མཁས་པ་མང་པོས་སློབ་གཉེར་དང་། ཉམས་ལེན་བྱས་པ། ཆོས་འཆད་གནང་ཡོད། གནས་མཇལ་འདི་དག་གིས་ཉམས་ལེན་པ་ཚོར་ཤེས་ཡོན་གྱི་ཐོག་ནས་སློབ་སྦྱོང་བྱེད་ཐུབ་པ་ཙམ་མ་ཟད། ཆོས་ཟབ་མོ་འདི་ཐོག་མར་གསུངས་པ་དང་ཉམས་ལེན་བྱས་པའི་ལོ་རྒྱུས་ཀྱི་གནས་རྟེན་ཁག་དང་གཏིང་ཟབ་པོའི་ཐོག་ནས་འབྲེལ་བ་ཆགས་ཏེ་སྒོམ་སྒྲུབ་འདི་ཆོས་ཕྱོགས་དང་ལོ་རྒྱུས་གཉིས་ཀའི་ཐོག་ནས་དོན་སྙིང་ལྡན་པ་ཆགས་ཡོད།