Jeremy李駿傑＠MIRROR新歌《九》破繭而出 雙眼發紅光繼續妖艷 Carl叔叔嚴格把關 錄兩個半鐘唱到聲沙 （ скачать в хорошем качестве

Jeremy李駿傑＠MIRROR新歌《九》破繭而出 雙眼發紅光繼續妖艷 Carl叔叔嚴格把關 錄兩個半鐘唱到聲沙 （

Jeremy李駿傑＠MIRROR今年2月推出首隻個人單曲《半》，正式以個人身份出道，原本6月準備推出第二首單曲，不過計劃趕不上變化，unicorns （李駿傑fans）一直追問，新歌呢？結果經理人花姐又被懷疑偏心，又無端端傳聞指Ian陳卓賢打尖出歌……結果hellosss（陳卓賢fans）團結安慰unicorns，花姐亦出面解釋因為音樂方面技術延期，問題決解新歌亦隨即面世，化解一場誤會。 新歌《九》今日中午順利面世，MV亦於晚上準時出街，超過7,000位unicorns準時睇首播。上次《半》由「半天使」到「半撒旦」，由「半動物」到「半植物」，今次Jeremy變成九尾狐，在MV中雙眼發出紅光，由八位女dancers伴舞，繼續正邪一體，繼續散發妖氣。新歌由王雙駿（Carl叔叔）監製、張繼聰作曲，同樣是周耀輝的詞，同樣有話要講——每個人需要作出選擇的時候，總會有不同誘惑，無論以自己善或惡做決定，最終後果如何都要自己承受。 而令Jeremy始料不及，是得到張繼聰助陣作曲，他說：「請到張繼聰（Louis）前輩作曲係因為Carl叔叔，可能Carl叔叔覺得Louis作嘅歌比較適合我，所以收到Demo時都好驚喜，因為冇諗過會有佢寫歌畀我，有啲Surprise。」 《九》無論主歌及副歌都充滿難度，Jeremy最初擔心主歌歌詞好密，錄音時要特別咬字清晰，最後原來副歌才是戲肉。「副歌難在要唱出味道，Carl叔叔一路斟嚼用氣唔夠，跟住錄咗兩個半鐘後，把聲完全沙晒唱唔到。」最終要第三次走入錄音室才能成功找到應有的感覺，完成錄音。 Jeremy又幫手拆解MV，黑與白，代表善與惡：「一個人無論幾善良都好，一定會有少少嘅陰暗面出現；幾壞嘅人都會有善良嘅一面，所以都係想話畀大家知，世間唔係淨係得黑、白，希望大家能坦承面對自己，去搵返自己真正嘅善同埋惡，面對返自己。」 製作團隊亦專登搵了一間荒廢了的酒醋廠，用工廠頹廢與Jeremy妖艷的交雜，亦成為Jeremy的少數MV外景拍攝，「好熱冇冷氣，另外好多塵，冇咁乾淨，喉嚨成日有啲唔舒服，但係因為外景原因，令到畫面更加加分，所以幾辛苦都係值得。」 #娛壹 #李駿傑