Tumanimizdagi 1-sonli oilaviy poliklinika kapital ta’mirdan so‘ng foydalanishga topshirildi скачать в хорошем качестве

Tumanimizdagi 1-sonli oilaviy poliklinika kapital ta’mirdan so‘ng foydalanishga topshirildi

15-yanvar kuni kapital ta’mirlash ishlari yakunlangan 1-sonli oilaviy poliklinikaning tantanali ochilish marosimi bo‘lib o‘tdi. Tadbirda Sog‘liqni saqlash vazirining o‘rinbosari Farrux Sharipov, Mirobod tumani hokimi Anvar Sayfutdinov, Toshkent shahar sog‘liqni saqlash bosh boshqarmasi boshlig‘ining o‘rinbosari Botirbek Isabekov, tuman tibbiyot birlashmasi boshlig‘i Sherzod Xudayberdiyev, 1-sonli oilaviy poliklinika bosh shifokori N.Xalmuxammedova, hokim o‘rinbosari S.Saidxanov hamda keng jamoatchilik vakillari ishtirok etdilar. 1-son oilaviy poliklinika 11ta mahalla (“Oybek”, “A.Avloniy”, “Mirobod”, “Yangi Mirobod”, “Movarounnaxr”, “Birodarlik”, “Zaminobod”, “Salar”, “Baynalminal”, “Ming o‘rik”, “Temiryo‘lchilar”)da istiqomat qiluvchi 43 ming nafardan ziyod aholiga, shuningdek, №60, 94, 83, 147, 328-sonli maktablar hamda №64, 60, 506, 247-sonli DMTTlarga xizmat ko‘rsatadi. Muassasa binosi 87 yil avval qurilgan bo‘lib, unda yillar davomida faqat joriy ta’mirlash ishlari o‘tkazib kelingan. Vaqt o‘tishi, hudud aholisi ko‘payishi, ijtimoiy muassasalar faoliyati kengayishi poliklinikani butunlay yangilash ehtiyojini yuzaga keltirgan edi. Natijada 2024 yil sentabr oyida poliklinika binosini qayta rekonstruksiya qilish boshlandi. Bunyodkorlik ishlaridan so‘ng bugun ushbu muassasa butunlay zamonaviy qiyofada foydalanishga topshirildi. ➡️ Ta’mirlash ishlariga 8,2 milliard so‘m mablag‘ sarflandi. Poliklinika zamonaviy tibbiy jihozlar, fizioterapiya apparatlari, raqamli rentgen qurilmalari bilan ta’minlandi. Zamonaviy laboratoriya tashkil etildi. Shifokoroldi ko‘rik xonalari, bolalar bo‘limi ochildi. ‍Xususan, bolalar bo‘limida oilaviy shifokorlar, pediatr, nevropatolog, immunolog, okulist, stomatolog, jarroh, logoped, infeksionist, otolaringolog shifokorlari kichkintoylar salomatligini nazorat qilib boradi. Shuningdek, elektron poliklinika tizimi orqali aholiga ortiqcha navbatlarsiz xizmat ko‘rsatilishi ham muassasaning asosiy yangiliklaridan. Bundan tashqari, barcha shifokorlar “Dmed” tizimiga ulangan kompyuter qurilmalari, printerlar, tibbiy brigadalar esa planshetlar bilan ta’minlandi. 💘 Poliklinikada infokiosk tashkil etildi. 🔵 Bu yerda hozida 36 nafar shifokorlar, 82 nafar o‘rta tibbiyot xodimlari ishlaydi. Shuningdek, 21 ta tibbiy brigada mavjud bo‘lib, aholiga 17 nafar oilaviy shifokor, 21 nafar amaliyot hamshirasi, 20 nafar patronaj hamshirasi va 9 nafar doya xizmat ko‘rsatadi.