設計思維課程 | 社區考察大使 | 黃埔宣道小學 скачать в хорошем качестве

設計思維課程 | 社區考察大使 | 黃埔宣道小學

社區考察大使已經進入第二年啦！今次我哋會親身走入社區，了解吓街坊遇到嘅問題，仲會嘗試運用「設計思維」，幫佢哋諗一啲可行嘅解決方案！ 第一步我哋就去咗收集街坊對紅磡區生活嘅睇法，因為有上年嘅經驗，我哋喺設計訪問題目、以及訪問技巧方面，都已經得心應手咗好多！大部份街坊對居住嘅環境都相當滿意！而比較關心嘅，主要係街道嘅衛生問題、噪音等等。亦有街坊希望我哋幫手諗諗可以點樣改善露宿者嘅生活，以及區內行人同單車爭路嘅情況。喺老師同導師指導下，我哋嘗試使用腦圖等唔同嘅工具，去分析同歸納街坊嘅「痛點」，再分組就各自感興趣嘅議題設計解決方案。 第二次外出嘅時候，我哋親手製作左一啲展板，邀請街坊投票選出佢哋認為最可行嘅建議，比我哋設計成方案嘅原型。街坊對我哋嘅方案好欣賞呀，投票之餘仲俾咗好多意見我哋，令我哋對社區嘅認識都深入咗好多。之後我哋仲搞咗一次校內投票，等冇參與今次活動嘅老師同同學都可以表達意見！ 之後我哋將最多人揀選嘅方案設計成原型 (Prototype)，例如招募義工派飯比露宿者啦，正確處理垃圾分類回收，喺社交平台宣傳社區衛生嘅重要性，限制會發出噪音嘅工程時間等等。 呢個計劃未完㗎，希望睇到呢條片嘅你，可以一齊參與我哋嘅活動，令大家嘅生活更加美好！ 🌏 360VR 社區導覽 https://apsw.antelope.hk/explore/ 🗺️「紅磡社區地圖」遊蹤app https://apsw.antelope.hk/edx/ 活動名稱：社區考察大使 設計思維課程 合作學校：黃埔宣道小學 日期：2024年9月 至 2024年11月 課程由學校與本公司共同設計 影片由本公司派員拍攝及製作