23 વર્ષ પહેલા અમેરિકામાં થયેલી ગુજરાતી મા-દીકરીની હત્યા આજે પણ એક રહસ્ય છે скачать в хорошем качестве

23 વર્ષ પહેલા અમેરિકામાં થયેલી ગુજરાતી મા-દીકરીની હત્યા આજે પણ એક રહસ્ય છે

21 માર્ચ 1996નો તે દિવસ હતો, સવારના લગભગ આઠ વાગ્યા હતા.. અમેરિકાના કેન્ટુકી સ્ટેટમાં આવેલા વિન્ડઝોર નામના એક નાનકડા શહેરમાં જબરજસ્ત ઠંડી પડી રહી હતી અને તે વખતે ૩૨ વર્ષની અનિતા પટેલ પોતાની પાંચ વર્ષની દીકરી અને ત્રણ વર્ષના દીકરાને લઈને તેની મમ્મી ચંપાબેન પટેલના ઘરે પહોંચી હતી. તે દિવસે અનિતાએ પોતાની વાન રસ્તા પર જ પાર્ક કરી હતી.. ઘરનો દરવાજો ખોલીને તેણે પહેલા તો ગ્રાઉન્ડ ફ્લોર પર ચંપાબેનને શોધ્યા હતા, પરંતુ તે ક્યાંય દેખાઈ નહોતા રહ્યા.. મમ્મી કદાચ ઉપરના બેડરૂમમાં હશે તેવું માની અનિતા તેની દીકરી અને ત્રણ દીકરા સાથે સીડી ચઢી રહી હતી અને તે જ વખતે તેને ઘરની અંદર તેના મમ્મી ચંપાબેન સિવાય બીજું પણ કોઈ હોવાનો અહેસાસ થયો હતો.. ડરી ગયેલી અનિતાએ તે જ ઘડીએ ચીસાચીસ કરીને પોતાના બંને બાળકોને ઘરની બહાર ભાગી જવા માટે કહ્યું હતું, અને સેકન્ડોમાં જ અનિતાની શંકા સાચી પડી હતી. તેને ઘરમાં જે વ્યક્તિના હોવાનો અહેસાસ થયો હતો તે બીજો કોઈ નહીં પણ તેની મમ્મી ચંપાબેનનો હત્યારો હતો. અનિતા ઘરમાં પ્રવેશી ત્યારે ચંપાબેનની હત્યાને અંજામ આપવામાં આવી રહ્યો હતો કે પછી કદાચ તેમની હત્યા થઈ ચૂકી હતી. જોકે, તે વખતે હત્યારો ચંપાબેનનાં ઘરમાં જ મોજૂદ હતો, અને અનિતા તેને જોઈ ચૂકી હતી. તે વખતે અનિતાએ પણ પોતાનો જીવ બચાવીને ભાગવાનો પ્રયાસ કર્યો હતો, તેને કદાચ પોતાના જીવથી વધારે ચિંતા પોતાના દીકરા-દીકરીની થઈ રહી હતી જેમને તે ઘરની બહાર મોકલી ચૂકી હતી.