من القلب للقلب "بعد بكير" скачать в хорошем качестве

من القلب للقلب "بعد بكير"

"طوبى للحزانى فإنهم يعزون" يتقدم طاقم العمل بأسمى التعزيات القلبية للعائلة الكريمة بمصابهم الأليم راجين من الله ان يمنحكم الصبر والإيمان . شكر وتقدير للاهل على مواكبة العمل وخصوصا السيدة كيتي سلباق شيتي المسيح قام - حقا قام —————————————————— من القلب للقلب "بعد بكير" كلمات الحان وغناء الفنانة أمل خازن تسجيل وتوزيع د.لؤي سعيد عزف عود د. وسيم قدورة مونتاج بشارة وأمير خازن —————————————————— راح يضل قلبي المجروح ينبض بحبك وراح اضل يا إمي لاخر عمري احبك تركت حضني يا زغير وحملتني حمل كبير يا حبيبي بعد بكير في عندي حكي كثير يا مجد الله بحياتي يا ملاكي الزغير يا شقفة من قلبي تركتني عبكير لعيونك الحلوه انا شو مشتاقة لكلمة ماما من ثمك وعبطة لما منتلاقى لما تعبي بتنسيني وبضحكة حلوه تلاقيني لريحتك يا امي للضمة الي تقويني يا مجد الله بحياتي يا ملاكي الزغير يا شقفة من قلبي تركتني عبكير تعا يا حبيبي لعندي بالأحلام تعا يا نور عيوني اغفى عصدري ونام راح شوفك بضحكة مايا وعيون سهيل لو تعرف يا امي قديش ثقيل الليل يا مجد الله بحياتي يا ملاكي الزغير يا شقفة من قلبي تركتني عبكير سلمتك يا امي للعذرا ويسوع ورضيت بحكم ربي بقلبي المفجوع مليها للجنة إلعب إضحك وغني مهما بعدت عني صوتك لعندي مسموع يا مجد الله بحياتي يا ملاكي الزغير يا شقفة من قلبي تركتني عبكير يا مجد الله بحياتي يا وجعي الكبير يا شقفة من قلبي بكير يا زغير بكير