Khit Thit Morning News | January 11, 2026 скачать в хорошем качестве

Khit Thit Morning News | January 11, 2026

Khit Thit သတင်းဌာန၏ ဇန်နဝါရီ ၁၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၁ ရက် မနက်ပိုင်း တင်ဆက်ပေးမယ့် သတင်းတွေကတော့ -ရန်ကုန်တိုင်းနဲ့ ပဲခူးတိုင်းအစပ်မှာ တော်လှန်ရေးပူးပေါင်းတပ်တွေဘက်က စစ်ဆင်ရေး‌တွေ ဖော်ဆောင်ဖို့ ရှိနေတဲ့အတွက် ပြည်သူ‌တွေအနေနဲ့ စစ်ရေးအခြေအနေတွေကို သတိပြုကြဖို့ တော်လှန်ရေးတပ်တွေ ဘက်က တိုက်တွန်းပြောဆိုလာပါတယ်။ စစ်ကိုင်းတိုင်း၊ ကန့်ဘလူမြို့နယ်က အကြမ်းဖက် စစ်တပ်ရဲ့ ၆၀၀၆ အမြောက်တပ်ကနေ မုံရွာမြို့ နမခ ကိုလာတဲ့ စစ်တပ်ရဲ့ Mi-17 ရဟတ်ယာဉ်ကို တော်လှန်ရေးတပ်တွေက ရဟတ်ယာဉ်ကို ပစ်ခတ် နိုင်တဲ့ ပွိုင့်ဖိုက် သေနတ်နဲ့ ပစ်ခတ်ရာမှာ ရဟတ်ယာဥ် ခေါင်းပိုင်း နဲ့ အမြှီးပိုင်းကို ထိမှန်ပြီး ပျက်စီးသွား တယ်လို့ မုံရွာခရိုင် PDF အမှတ် (၂၀) တပ်ရင်း ရဲ့ တာဝန်ရှိသူ တစ်ဦးက ရန်ကုန်ခေတ်သစ်ကို ပြောပါတယ်။ မြန်မာစစ်တပ်က ကျူးလွန်ထားတဲ့ ရိုဟင်ဂျာလူမျိုးတုန်းသတ်ဖြတ်မှုအတွက် အပြည်ပြည်ဆိုင်ရာ တရားရုံး-ICJ မှာအမှုရင်ဆိုင်ဖို့ အကြမ်းဖက်စစ်တပ်ရဲ့ ကိုယ်စားလှယ် ကိုကိုလှိုင်နဲ့ အဖွဲ့ထွက်ခွာသွား ပြီးလို့ စစ်တပ်က သတင်းထုတ်ပြန်ထားပါတယ်။ ရုရှား ရေနံတင်သင်္ဘောတွေကို စီးနင်းသိမ်းပိုက်တဲ့ အမေရိကန် သင်္ဘောတွေကို နျူကလီးယား တိုပီဒိုနဲ့ ပစ်သင့်တယ်ဆိုပြီး ရုရှား ဒူးမားကာကွယ်ရေးကော်မတီ အကြီးအကဲက ဆိုလိုက်ပြန်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။