ជីវិតដ៏សែនវេទនានៃលោកស្រីឡឹម​ វណ្ណារី скачать в хорошем качестве

ជីវិតដ៏សែនវេទនានៃលោកស្រីឡឹម​ វណ្ណារី

លោកស្រី ឡឹម វណ្ណារី ជាម្ចាស់ជ័យលាភីចម្រៀងលេខ១ ទូទាំងប្រទេសឆ្នាំ១៩៨១ ជាម្ចាស់សំឡេងដ៏ពីរោះរងំនៃបទកន្សែងបងប៉ាក់ជូនបងយោធា និងបទ លក់ស្រូវជូនរដ្ឋ ព្រមទាំងបទចម្រៀងជាច្រេីន។ ពេលនោះលោកស្រី ក៏បានបម្រេីផ្នែកសិល្បៈចម្រៀងនៅមន្ទីរឃោសនាការខេត្តបាត់ដំបង។ នៅក្នុងឆ្នាំ១៩៩៦ វាសនាចារមកយ៉ាងអភ័ព្វលោកស្រីជួបវិបត្តិគ្រួសារព្រោះតន្រ្តីករប្រាក់ប៊ុនថនជាស្វាមីក្បត់ចិត្តមានប្រពន្ធថ្មី លោកស្រីក៏សម្រេចចិត្តចាកចេញពីពិភពសិល្បៈលែងចង់ជួបមុខស្វាមី ហេីយនាំកូនៗបួននាក់ចាកចេញពីរដ្ឋធានីភ្នំពេញទៅរស់នៅទឹកដីបាត់ដំបងវិញ។ ជីវិតធ្លាក់ដល់ចំណុចហៅលែងលឺ តស៊ូដេីរលក់នំតាមផ្លូវចិញ្ចឹមកូន។ ក្រោយមក លោកស្រីក៏បានជួបប្រសព្វនឹងលោក អុំ ម៉ៅ បានចាប់ដៃរួមរស់ជាមួយគ្នាទាំងលំបាកវេទនា។ រស់ជាង២០ឆ្នាំស្វាមីលោកស្រីចាប់ផ្តេីមធ្លាក់ខ្លួនឈឺ ។ ឆ្នាំ២០១៨ សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន បានផ្តល់ថវិកា២ម៉ឺនដុល្លារជួយដល់ជីវិតលោកស្រីតាមរយៈកាកបាតក្រហមកម្ពុជា។ ថវិកានោះលោកស្រីបានទិញដីមួយកន្លែងហេីយនៅសល់យកមកព្យាបាលជំងឺស្វាមី។ ជីវិតដ៏សែនអភ័ព្វស្វាមីលោកស្រីក៏លាចាកលោកទៅទៀត។ ដោយបុណ្យកុសលល្អ ឯកឧត្តម ទេសរដ្ឋមន្រ្តី ប៉ែន វិបុល និងលោកជំទាវ មានចិត្តមហាសប្បុរសបរិសុទ្ធបានជួយសង់ផ្ទះមួយជូនលោកស្រីដោយចំណាយថវិកាយ៉ាងច្រេីន។