預繳式消費陷阱一：至型男篇 скачать в хорошем качестве

預繳式消費陷阱一：至型男篇

美容師: 陳生，做咗半年美容護理，你塊面的痘痘印唔見哂，皮膚真係越嚟越靚！ 陳先生 : 係咩？全靠你啫。 美容師: 有吔用呀，做埋都唔夠養頭家，我個仔又話我成日唔陪佢，邊似你地D高層次人士，行出嚟有型有款，又無牽無掛。 陳先生 : 邊係呀。 第一擊：先吹捧 再利誘： 美容師: 係嘞陳生，我地公司嚟緊舉辦「至型男」比賽，你一定得！贏咗唔單止一年內無限次用我地嘅美容療程，冠亞季軍，獎金分別有20萬、15萬同10萬蚊添！ 陳先生: 哇，都算大手筆噃，不過我都係… 美容師: 唔好不過啦，你係我班客中最有型果個，我知你唔志在D獎金，但你出馬，一定贏！ 專家拆解: 面對先吹捧 再利誘： 專家教路: 見招拆招: 美容師: 你出馬，一定贏！ 陳先生: 唔好啦，我做療程係想皮膚好，唔係想同人鬥型，留返比其他人玩。 第二擊：說之利、動之情 美容師: 陳生你咁好人，可唔可以當幫下我？你贏咗，我都可以升做星級美容師。 陳先生: 諗諗先啦 美容師: 我升咗人工高D，仲有時間陪下個仔。嗱你都有小朋友，你最明白我地做父母嘅心態。 陳先生: 咁又係 美容師: 你都好，有太太睇住頭家同細路。我就無咁嘅福氣… 陳先生: 咁你又唔使講到咁慘，點參加呀？ 專家拆解: 立場堅定、咪心軟衝動！ 專家教路、見招拆解: 同情還同情 消費睇需要 美容師: 你都好，有太太睇住頭家同細路。我就無咁嘅福氣… 陳先生: 媽媽幾時都咁偉大，參加比賽又要買療程，我都係留番D錢同老婆細路去旅行。 第三擊：大數化小 小數當無 美容師: 你只需要參加我地9萬9蚊嘅「至型男」美容組合，有300次療程。淨係皮膚靚唔夠嫁，包呢D輪廓位都FIRM埋，咁先夠MAN，似足劉華咁有型！ 陳先生: 哇，成9萬9，貴咗D喎！ 美容師: 唔貴嘞，除番每次療程只需$330蚊，宜家仲可以分30期俾錢，平均每個月都係$3,300啫，你食餐晚飯都唔只啦！ 嗱，再唔係碌咭透支住先，每期俾住Minimum Payment先，你到時只要贏到冠軍果20萬已經COVER哂條數啦！ 陳先生: 哦… 專家拆解: 千變萬變 金額不變 專家故路、見招拆招: 心中有數 不作大額預繳 美容師: 唔貴嘞，除番每次療程只需$330蚊，宜家仲可以分30期俾錢！ 陳先生: 吓，實贏「口架」？！咪啦，無論條數分幾多次俾，總數都係9萬9，超出哂我budget。 美容師: 呀陳生，你做埋「至型男」療程，個樣真係無得輸，但身型仲差少少，不如JOIN埋我地個「十全十美」纖體療程，包你由頭型到落腳，原價10萬，宜家只需8萬就得！ 陳先生: 唔使住啦 美容師: 今次淨係報住「至型男」療程先，麻煩喺度簽個名 第四擊：取卡簽帳 出其不意 職員甲: (取信用卡入房): 陳先生張信用卡碌爆咗，有無另一張卡？ 陳先生: 嗱，攞去。 小心: 睇清銀碼！ 美容師+職員甲: 多謝陳生！ EFFECT: 一星期後 (陳先生睇銀行月結單) 陳先生: 咦，吔唔係9萬9？點解變咗17萬9？ EFFECT: 分鏡 (陳先生+美容師) 陳先生: 又話我張卡碌爆咗，要第二張卡。原來一張碌咗9.9萬嘅「至型男」美容療程，另一張碌埋8萬蚊嘅「十全十美」纖體療程！最離譜係，俾完錢無資格參加「至型男」嘅比賽！ 美容師: (手持「至型男」比賽章程) 比賽單張寫得好清楚，參賽者要喺半年內完成300次嘅療程。陳先生唔夠勤力，半年先做用得果百零次，個比賽都完咗。至於碌咗8萬蚊纖體療程，係佢俾埋第二張卡我碌嫁。唉佢贏唔到「至型男」，我都係受害人，做唔成星級美容師。 專家拆解總結一: 魔鬼細節 睇清睇楚