Устоз Муқим Маҳмуд билан суҳбат скачать в хорошем качестве

Устоз Муқим Маҳмуд билан суҳбат

Бу инсон билан Швецияда, Стокгольм шаҳрида танишдим. Бир-биримизга меҳиримиз тушиб, дўст, қадрдон, ака-ука, кейинчалик, устоз-шогирд бўлиб қолдик. У кишидан кўп нарса ўргандим. Оиласига, фарзандларига бераётган тарбиясига ҳавас қилдим. Мен уларнинг уйида меҳмон бўлдим. Фарзандлари билан танишдим. Кейинчалик, ўғиллари Самарқандда меҳмон бўлишди. Швецияда Муқимжон аканинг суҳбатларига тўймай қолдим.... У кишида ҳам шундай бўлган экан, Бельгияга учиб бориб, бизнинг сафаримизда ҳамроҳлик қилдилар. Голландия ва Данияда суҳбатларимиз давом этди. Барибир Муқимжон аканинг суҳбатига тўймай қолдим... Муқимжон ака билан иккинчи сафар Қирғизистонда, Ўш шаҳрида учрашдик. Уч-тўрт кун кечаю-кундуз бирга бўлдик, тинмай суҳбатлашдик. Барибир Муқимжон устознинг суҳбатларидан тўймай қолдим... Учинчи сафар устоз Муқимжон ака билан Истамбул шаҳрида учрашдик. Бугун эътиборингизга у киши билан Туркиянинг Истамбул шаҳрида, Регистон телевидениесида қилган суҳбатимизни ҳавола қилмоқчиман. Барибир Муқимжон устознинг суҳбатларидан тўймай қолдим... Кейинги сафар Ўзбекистонда кўришамиз, деб ният қилдик! Аллоҳ бу дунёда дўст, ака-ука, устоз-шогирд қилган Муқимжон ака билан жаннатида бизни бирга қилиб қўйсин ва жаннатларда тўйиб суҳбатлашиш бизга насиб қилсин! Амин! Каналимиз мухлислари диққатига! Ҳурматли мухлислар, менинг каналимда эълон қилинаётган суҳбатлардан айрим жойларини “кесиб олиб” ўз каналида эълон қилаётганлар кўпайди. Майли, эътирозим йўқ, аммо ўзгани ва унинг меҳнатини ҳурмат қилган ҳолда, эълон қилаётган пайтингизда менинг каналим ҳаволасини ҳам илова қилиб қўйишни унутманг, илтимос! Ахир битта суҳбатни тайёрлаш учун катта меҳнат қилаяпмиз, турли вилоятларга, ҳатто чет элларга бориб келаяпмиз. Сиз тайёр нарсанинг бир қисмини эълон қилиб, ўзимиздан кўпроқ томошабин йиғаяпсиз. Ҳалолингиз бўлсин, аммо бизнинг ҳақимизни ҳам адо қилинг, рухсат сўрамаяпсиз, майли, аммо, ҳеч бўлмаганда “Суҳбатнинг тўлиғини мана бу ҳавола орқали кўришингиз мумкин”, деб каналимиз ҳаволасини илова қилиб қўйинг. (Ҳавола – бу “ссылка” дегани.) #muqimmahmud #karimberdituramurod #suhbat #turkiya #istanbul #муқим #маҳмуд #каримберди #тўрамурод #сухбат #туркия #истамбул #регистон #тв