ევროკავშირის რეკომენდაციები ქართულ პასპორტებზე - გიორგი ისაკაძის საავტორო ეპილოგი / 08.03.2026 скачать в хорошем качестве

ევროკავშირის რეკომენდაციები ქართულ პასპორტებზე - გიორგი ისაკაძის საავტორო ეპილოგი / 08.03.2026

ევროკომისიამ მიიღო სახელმძღვანელო წესები წევრი ქვეყნების საკონსულო უწყებებისა და სასაზღვრო სამსახურისთვის, რათა გადაწყვეტილების აღსრულებას ხელი შეუწყოს. ეს რეკომენდაციები ითვალისწინებს საქართველოს ყველა მოქალაქის გაძლიერებულ შემოწმებას ევროკავშირის გარე საზღვრების კვეთისას. ევროკომისია წევრ ქვეყნებს საზღვარზე საქართველოს მოქალაქეების გაძლიერებული შემოწმების რეკომენდაციით მიმართავს. ანუ ეს ნიშნავს, რომ ფორმალურად, მეტი კითხვა და მეტი შემოწმება დასჭირდება საქართველოს ნებისმიერ მოქალაქეს ევროკავშირის საზღვრის კვეთისას, თუმცა, ეს არ ნიშნავს რომ მათ ანუ რიგით მოქალაქეებს რაიმე პრობლემა შეექმნებათ, პირიქით - ევროკომისია აცხადებს, რომ საქართველოს მოქალაქეები ჩვეულებრივი პასპორტით გააგრძელებენ უვიზო გადაადგილებას ევროკავშირის ქვეყნებში. რაც შეეხება დიპლომატიური და სამსახურებრივი პასპორტების მფლობელებს, ანუ სახელმწიფო უწყებების წარმომადგენლებს, და ზოგიერთის შემთხვევაში მათი ოჯახის წევრების საყურადღებოდაც: ევროკომისია აჩერებს უვიზო მიმოსვლას საქართველოს დიპლომატიური, სამსახურებრივი და ოფიციალური პასპორტების მფლობელთათვის. ამიერიდან, შენგენის ზონაში ოფიციალური მიზნით შესვლისას, მათ ვიზის ქონა მოეთხოვებათ. ევროკომისია ამ გადაწყვეტილებას საქართველოს მიერ იმ ვალდებულებების შეუსრულებლობით ხსნის, რაც ქვეყანამ უვიზო მიმოსვლის გამო აიღო. ანუ, უფრო მარტივად რომ ვუთხრა სახელმწიფო მოხელეებს რომელთაც შეიძლება ჰქონდეთ, ან სულაც არ ჰქონდეთ მოლოდინი რომ თუ სარგებლობენ დიპლომატიური ან სამსახურებრივი პასპორტის მაგივრად. მაგალითად ჩვეულებრივი საქართველოს მოქალაქის პასპორტით - ჩემი რჩევაა, ეს პასპორტი, კარგად დაიკავეთ ხელში - და მიბრძანდით რომელიმე საელჩოში ევროკავშირისა და აუცილებლად აიღეთ ვიზა, თუნდაც ვიზისთვის მიბრძანდით უნგრეთის ან სლოვაკეთის საკონსულოებში. დამიჯერეთ ასე სჯობს. და მეტად ავცდებით იმ უხერხულობას რაც შეიძლება საზღვრიდან გამობრუნებას ანუ ევროკავშირში შესვლაზე უარის თქმას უკავშირდებოდეს, დიახ - ევროკომისიის გადაწყვეტილებაში წერია სრულიად გასაგებად რომ საქართველოს ხელისუფლების წარმომადგენლები შეიძლება არ დაუშვან ევროკავშირის ტერიტორიაზე მათ შორის, ჩვეულებრივი ამგვარი პასპორტით გადაადგილებისას. შეიძლება ჩემი არ დაიჯეროთ, მაგრამ დაიჯერეთ უფრო მარტივი მოცემულობა - სჯობს სამშობლოშივე გითხრან უარი ვიზას მიღებაზე ევროკავშირში გასამგზავრებლად, ვიდრე რომელიმე ევროპული ქვეყნის საზღვრიდან გამოგაბრუნონ. სრულიად ფრუსტრირებული და ზედმეტად იმედგაცრუებული. არ ვიცი, ვინ გაითვალისწინებს ამ რჩევას ან ვინ არა, იმ ფონზე რომ ევროკავშირის ქვეყნებთან და მათ საელჩოებთან ფაქტობრივად კონტაქტი არ არსებობს, თუმცა, უნდა ველოდოთ საინტერესო ამბებს ამ თემაზეც.