Светлината, колоритот и разликите во Македонија биле инспирација за странските сликари | Милошевски скачать в хорошем качестве

Светлината, колоритот и разликите во Македонија биле инспирација за странските сликари | Милошевски

Во Музеј на Град Скопје е отворена изложбата „Странски сликари во Македонија во периодот 1850-1950“. На изложбата се изложени повеќе од 100 оригинални дела од педесетина странски сликари кои во посочениот период престојувале во Македонија и создале ликовни дела инспирирани од луѓето, настаните, градовите, архитектурата и природата. Сликите се од приватната колекција на Влатко Милошевски, нашинец кој веќе 25 години живее и работи во Холандија, а последните две децении ги посветил на својата пасија да ги прибира, да ги регистрира, да ги пронаоѓа, делата на сликарите кои твореле во периодот од 1850 до 1950 година, значи некои 100 години на преминот на 19-от во 20-от век и освен што ги регистрира, што ги пронаоѓа, тој е и колекционер, односно, кога може, купува од тие дела и во својата колекција има околу 200 досега. Во ова издание на серијалот интервјуа „Имаме неколку прашања за вас“ што ги емитуваме на Рацин.мк, упаднавме, ако можам така да кажам за време на подготовката на изложбата на господинот Влатко Милошевски и го прекинавме за кртако во подготовката на изложбата за да му ги поставиме овие неколку прашања што ги имаме за него.