香港紅十字會醫院學校70周年校慶主題曲─《沿途有你》 скачать в хорошем качестве

香港紅十字會醫院學校70周年校慶主題曲─《沿途有你》

【春風化雨七十載 燃亮生命傳承愛❤️】 7️⃣歲，應該係最無憂無慮享受童年嘅年紀🚴🏻‍♂️，而嘉文就因為病痛要入住醫院。 腸道潰瘍、手術，呢啲一般人都難以承受嘅痛苦，年紀小小嘅嘉文就要面對呢啲挑戰，即便如此，佢都無放棄學習。香港紅十字會醫院學校見證住嘉文嘅主動好學、樂觀開朗，同熱情積極嘅精神，為佢特別設計學習教材，老師們用心嘅陪伴，嘉文就以燦爛嘅笑容😁回應，努力學習嘅態度仲感染到身邊嘅病童，帶動咗整個學習氛圍，為沉重嘅病房添上歡樂同溫暖。慶幸嘉文已經逐步穩定，而喺出院後，都仍然繼續接受香港紅十字會醫院學校提供嘅家居教學服務。 嘉文嘅故事，正正係香港紅十字會醫院學校「仁愛、堅毅、自強」校訓嘅最佳演繹。7️⃣0️⃣年以嚟，我哋陪伴咗超過10萬名好似嘉文一樣嘅病童，喺成長路上克服疾病與殘障，用愛同知識，為佢哋點亮希望之光。 70年嘅歷程，見證咗每一代嘅教師與學生同行、同奮鬥，呢份精神燃亮學生嘅生命，讓愛同智慧喺學生們身上綻放。我哋特意製作70週年校慶主題曲《沿途有你》，並邀請咗 李禹燊 Oscar 獻唱，一齊同我哋細味更多關於醫院學校同嘉文嘅故事啦！ 了解香港紅十字會醫院學校： https://s.redcross.org.hk/hs #香港紅十字會 #香港紅十字會醫院學校 #70周年 #特殊教育及復康服務 #沿途有你 #跨越逆境 #自強不息