LENGTE KAI TLAWNG LEI II FAITH BRIDGE II HAWNNA скачать в хорошем качестве

LENGTE KAI TLAWNG LEI II FAITH BRIDGE II HAWNNA

Ministry of Road Transport & Highway sum cheng vbc 43 leh nuai 83 senga dawh, Lengte kai Tlawng lei Faith Bridge tia a hming vuah chu vawiin khan Chief Minister Pu Lalduhoman a hawng. Faith Bridge hi Meter 100 a sei, Meter 7 leh a chanve a zau, a sir tawna mihring kalna tur Meter 1 leh a chanve-a zau footpath nei a ni a, rit Metric ton 385 chawi zo thei a ni. A hawnna inkhawmah thusawiin Chief Minister chuan, kum 2024 December thlatir lamah khan a lei chhuat hi Crane hmanga hnuh kai tum a ni a, a khaina hrui pakhat a chat a, an hlawhchham ta a. Hun eng emaw chen an han inbuatsaih leh a, April ni 7, 2025 ah hnuhkai an han tum leh a. Contractor-ten Kristian puithiamin hlan hmasa se an ti a, Lengpui Pastor Rev. Lalchungnunga Hauhnarin a hlan a. harsatna tawk lovin, awlsam takin an hnuk kai ta a. A hminga Faith Bridge han phuah pawh hi a inhmeh viau a ni a ti. Faith Bridge hawnnaah hian PWD Minister Pu Vanlalhlana, Adviser to Cm Pu TBC Lalvenchhungam Minister dangte, Lok Sabha MP leh MLA eng emaw zat an tel a ni.