Explore chandranahan himachal pradesh скачать в хорошем качестве

Explore chandranahan himachal pradesh

Radhe Radhe ji 🙏 Swagat hai aap sabhi ka Life With Arun Vlog ke Chapter 4 me. Is chapter ki shuruaat hoti hai Litham pahunchne ke baad, jahan sabse pehle hum apna camp set karte hain. Camp lagane ke baad hum decision lete hain ki Bhanu aur Nitin lunch banayenge, aur main, Shubhu bhai aur Ritik lakdi lene ke liye nikalte hain. Kyunki aisi jagah par survive karne ke liye lakdi hona bahut zaroori hota hai. Lakdi dhundhne ke dauran hume ek nadi milti hai, jiska naam hume us waqt pata nahi tha, lekin baad me pata chala ki yeh nadi Rohru shehar ki taraf jaati hai aur Litham, Chandranahan aur Buran Ghati ki pahadiyon se nikalti hai. Nadi cross karne ke baad hum aage badhte hain. Raste me thoda fun aur masti bhi hoti hai — Shubhu bhai ka dance moment trek ko aur yaadgaar bana deta hai 😄 Aakhirkaar hume ek jagah par pure din ke liye kaafi lakdi mil jaati hai. Lakdi laane ke baad hum camp me lunch karte hain, aur phir nikal padte hain apne next adventure ki taraf — Chandranahan Lake. Is trek ka rasta bahut zyada tough tha, kyunki jo original route hota hai, humne woh nahi liya. Humne khud ka rasta banaya, jisme seedhi chadhai thi. Raste me chhote-chhote paani ke naale, aur ek barf se jama hua jharna bhi mila, jise dekhne ke liye hum uske upar tak chadh gaye. Aage badhte hue hume ek ke baad ek 5 lakes (lekh) milti hain — kuch puri tarah se barf aur pale se jam chuki thi, aur kuch me to pani bhi nahi tha. Jaise-jaise hum upar jaate gaye, thand aur saans lene me dikkat badhti chali gayi. Aakhirkaar hum pahunch jaate hain Chandranahan Lake, jo lagbhag 14,000 feet ki unchai par sthit hai. Wahan pahunch kar dekhte hain ki yeh lake bhi puri tarah se jam chuki hai, pani ki jagah sirf ret aur barf hi nazar aati hai. Thodi photos lene ke baad hum wapas apne camp site ki taraf nikal padte hain. Sach kahun to, jitne khoobsurat nazare hume jaate waqt nahi mile, usse kai zyada wapasi me dekhne ko mile. Meri sabhi ke liye ek chhoti si advice hai — 👉 Agar aap Chandranahan aana chahte ho, to December se March ke beech aayein, ya baarish ke baad, tab yahan ke nazare aur bhi zyada khoobsurat ho jaate hain. Aaj ka vlog aapko kaisa laga, comment me zaroor batayein. Achha lage to like, share aur subscribe karein. Milte hain next chapter me ek aur naye adventure ke saath. Radhe Radhe ji 🙏 #ChandranahanLake #LithamTrek #HimachalTrekking #BuranGhati #HighAltitudeTrek #FrozenLake #AdventureVlog #LifeWithArun #MountainSurvival #CampingLife #HimalayanTrek #Bugyal #Thach #TrekkingIndia #PahadiVlog #villagevlog #travel #indianvlogger ‪@lifewitharun606‬ [email protected]