Әскери қызметшілермен ішімдік пен алкагольдің алдын алу бойынша жиын өтті скачать в хорошем качестве

Әскери қызметшілермен ішімдік пен алкагольдің алдын алу бойынша жиын өтті

Сарыөзек гарнизонына қарасты әскери бөлімдер мен мекемелердің жеке құрамымен қаңтар айына арналған тәрбие, идеологиялық, әлеуметтік және психологиялық жоспарға сәйкес бірқатар маңызды іс -шаралар ұйымдастырылды. Атап айтқанда, «Ішімдік пен есірткі -қылмыстың басты негізі» айлығы аясында, сондай-ақ «Айыппұлсыз - жаңа жыл» акциясы мен «Жыныстық қол сұғылмаушылыққа қарсы қылмыстардың алдын алу» тақырыптарында түсіндіру -профилактикалық сабақ өткізілді. Іс-шара барысында әскери тәртіпті сақтау, заң талаптарын мүлтіксіз орындау және құқықбұзушылықтың алдын алу мәселелері кеңінен сөз болды. Әскери полиция өкілдері ішімдік пен есірткінің адам өміріне, әскери қызметке және қоғамға тигізер зияны туралы нақты мысалдар келтіріп, мұндай келеңсіз әрекеттердің ауыр құқықтық салдарға әкеп соғатынын атап өтті. Сонымен қатар жыныстық қол сұғылмаушылыққа қарсы қылмыстардың алдын алу, жеке жауапкершілік пен моральдық құндылықтарды сақтау мәселелеріне ерекше назар аударылды. Сонымен қатар құқықбұзушылықтың зардаптарын айқындайтын бейнероликтер көрсетіліп, жеке құрамның назарына ұсынылды. Көрсетілген бейнематериалдар әскери қызметшілерге заң талаптарын бұзудың салдарын тереңірек түсінуге мүмкіндік берді.