ကောလင်းမှာ စစ်အုပ်စု စစ်ကြောင်းထိုး၊ ဗုံးကြဲလို့ ကျေးရွာ ၁၀ ရွာကျော် ထွက်ပြေးနေရ၊ скачать в хорошем качестве

ကောလင်းမှာ စစ်အုပ်စု စစ်ကြောင်းထိုး၊ ဗုံးကြဲလို့ ကျေးရွာ ၁၀ ရွာကျော် ထွက်ပြေးနေရ၊

စစ်ကိုင်းတိုင်းအထက်ပိုင်း၊ ကောလင်းခရိုင်၊ ကောလင်းမြို့နယ်ထဲ ဇန်နဝါရီလ ၁၆ ရက်က စတင်ကာ အာဏာသိမ်း စစ်အုပ်စုက စစ်ကြောင်းထိုး၊ ဗုံးကြဲနေလို့ မြို့နယ်အရှေ့ပိုင်းရှိ ကျေးရွာ ၁၀ ရွာ ထက်မနည်း ထွက်ပြေးနေရတယ်လို့ ဒေသခံသတင်းရင်းမြစ်က MFP ကို ပြောပါတယ်။ ပြီးခဲ့တဲ့ ဇန်နဝါရီလ ၁၆ ရက်မှာ ဝန်းသိုမြို့ဘက်ကနေ ခန့်မှန်းအင်အား ၂၀၀ ခန့်ပါတဲ့ စစ်အုပ်စုက ကောလင်းဘက် စစ်ကြောင်းထိုးလာပြီး ကျေးရွာတွေကို စီးနင်းလုယက်၊ ဗုံးကြဲနေတာ ဖြစ်ပါတယ်။ ဇန်နဝါရီ ၂၀ရက်က ကောလင်းနယ် အရှေ့ခြမ်း၊ ကျောက်တန်းလမ်းဆုံကို စစ်အုပ်စုက ဂျက်ဖိုက်တာ တိုက်လေယာဉ်နဲ့ ဗုံးကြဲသလို ဒရုန်းနဲ့ပါ ဗုံးကြဲတာကြောင့် တော်လှန်ရေး ရဲဘော်ခုနစ်ဦးနဲ့ ပြည်သူ နှစ်ဦး ကျဆုံးခဲ့ပါတယ်။ လက်ရှိမှာ စစ်အုပ်စု ရန်ကြောင့် ချဥ်ပစ်ခုံ၊ တောင်မော်၊ အလယ်ခုံ၊ ပဒုမ္မာ၊ ခံသာ၊ ကျောက်တန်း၊ သစ်ဆိမ့်ကုန်း၊ ညောင်ပင်သာ၊ ဩဂ စတဲ့ ကျေးရွာတွေက ထောင်သောင်းချီတဲ့ ပြည်သူတွေ စစ်ဘေးရှောင် ထွက်ပြေးနေကြရပါတယ်။ ကောလင်းနယ်ထဲ စစ်အုပ်စု စစ်ကြောင်းထိုး၊ ဗုံးကြဲလို့ ပြည်သူတွေ ထွက်ပြေးနေရတဲ့ အခြေအနေနဲ့ ပတ်သက်ပြီး ကိုယ်တိုင်စစ်ဘေးရှောင်နေရတဲ့ ကောလင်းနယ်ခံ အမျိုးသား တစ်ဦးကို MFP က ဆက်သွယ် မေးမြန်းထားပါတယ်။ MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ ဝက်ဘ်ဆိုက်မှာလည်း ကြည့်နိုင်ပါတယ်။ #Mandalay_Free_Press_MFP #အညာ #စစ်ကိုင်း #မန္တလေး #မကွေး (Mandalay Free Press – MFP သည် လွတ်လပ်၍ အမှီအခို ကင်းသော သတင်းဌာနဖြစ်ပြီး မန္တလေးနှင့် စစ်ကိုင်းတိုင်း သတင်းများကို အထူးပြုတင်ဆက်လျှက် ရှိပါသည်။) Mandalay Free Press – MFP မှ တင်ဆက်သောသတင်းများကို ဖတ်ရှုနိုင်ရန် အောက်ဖော်ပြပါ Channel များကို Follow (သို့မဟုတ်) Subscribe လုပ်ထားနိုင်ပါသည်။ Facebook:   / mandalayfreepress   YouTube:    / @mandalayfreepressmfp   #MFP #MandalayFreePress #မန္တလေး #တော်လှန်သော #သပိတ် #မိခင်